ءماجىلىس كۋلۋارىندا جۋرناليستەر ىشكى ىستەر ءمينيسترى ەرجان سادەنوۆكە مارقۇمنىڭ تۋىستارى بىرنەشە رەت ىىم-گە قازاقستاندا تەرگەۋ باستاۋ تۋرالى وتىنىشپەن جۇگىنگەنىن، ءبىراق ۇنەمى باس تارتۋ العانىن ەسكە سالدى، دەپ حابارلايدى Dalanews.kz.
ءمينيستردىڭ تۇسىنىكتەمەسى
"مەملەكەت ءارقاشان ءوز ازاماتتارىنا قامقورلىق جاسايدى. بارلىق قۇزىرلى ورگاندار ءوز وكىلەتتىگى اياسىندا جۇمىس ىستەپ جاتىر. مۇندا مەملەكەت قامقورلىق جاساماي وتىر دەگەن تۇسىنىك جوق، اسىرەسە قۇقىق قورعاۋ ورگاندارى تۇرعاندا. ءىىم-نىڭ باسقا ەل اۋماعىندا جەدەل-تەرگەۋ ءىس-شارالارىن جۇرگىزۋگە قۇقىعى جوق. مەنىڭ بىلۋىمشە، جۇمىس باس پروكۋراتۋرا جانە سىرتقى ىستەر مينيسترلىگى ارقىلى ءجۇرىپ جاتىر. ءبىز ءقازىر ءوزىمىز تەرگەۋ جۇرگىزەمىز دەپ ايتا المايمىز. بۇل تاقىرىپ بويىنشا كەلىسىمدەرىمىز جوق. ادام ءولىمى، جاقىندارى، تۋىستارى بار ەكەنىن تۇسىنەمىن. ءبىراق ماعان سەنىڭىزدەر، مەملەكەت باقىلاۋدا ۇستاپ وتىر. ءوز تاراپىمنان دا باقىلاۋدا ۇستايمىن"، – دەدى سادەنوۆ.
ءمينيستردىڭ ايتۋىنشا، ۆەدومستۆو نەمىس پوليسياسىنان قىلمىستىق ءىستى تانىسۋ ءۇشىن سۇراۋعا دا قۇقىلى ەمەس.
وقيعانىڭ ءمان-جايى
قازاقستاندىق بۇرىنعى سۋديا ايگۇل سايلىبايەۆانىڭ دەنەسى 2024 جىلعى 16 ماۋسىمدا ەرلاحە كولى ماڭىنان تابىلعان. پوليسيا ونى باسقا جەردە ولتىرىلگەن بولۋى مۇمكىن دەپ بولجاعان.
مارقۇمنىڭ تۋىستارى ايەل بۇرىن كۇيەۋى مەن ەنەسىنەن بىرنەشە رەت زورلىق-زومبىلىق كورگەن بولۋى ىقتيمال دەگەن پىكىر ايتقان. 2024 جىلدىڭ ماۋسىمىندا گەرمانيا پوليسياسى قازاقستاندىقتىڭ ەنەسى ناتاليا دونسوۆاعا ىزدەۋ جاريالاپ، ونى كىسى ءولتىرۋ ىسىندە كۇدىكتى دەپ تانىدى.
