Bul joǵary deńgeıdegi kezdesýler genderlik aspektilerdi eskere otyryp, EYDU elderiniń memlekettik josparlaý jáne búdjetteýdegi sońǵy jańalyqtardy, ózgerister men úzdik tájirıbelerin talqylaý úshin dıalog alańyna aınaldy. Ulttyq josparlaý jáne búdjetteý júıesinde genderlik ádisterdi engizýdiń praktıkalyq tásilderine kóp kóńil bólindi.
QR Prezıdentiniń janyndaǵy Áıelder isteri jáne otbasylyq-demografıalyq saıasat jónindegi ulttyq komısıasynyń, QR Ulttyq ekonomıka mınıstrligi men QR Qarjy mınıstrligi ókilderi Avstrıa Federaldy qarjy mınıstrligimen, Federaldy áıelder, otbasy jáne jastar isteri jónindegi mınıstrligimen, Federaldy memlekettik qyzmet jáne sport mınıstrligimen, Avstrıa Respýblıkasynyń Parlamentiniń búdjettik búrosymen, Avstrıa ekonomıkalyq zertteýler ınstıtýtymen birqatar eki jaqty kezdesýlerge qatysty.
Qazaqstandyq tarapqa osy turǵyda avstrıalyq memlekettik organdar quzyreti sheńberinde genderlik áserdi baǵalaý júıesi, ulttyq josparlaý genderlik máselelerdi ıntegrasıalaý prosesi, genderlik búdjetteýdiń jalpy saıasaty men strategıasyna qatysty aqparat berildi. Kezdesý barysynda Qazaqstan delegasıasy, sondaı-aq ortalyq atqarýshy bılik deńgeıinde Avstrıa Respýblıkasynyń Konstıtýsıasyna jáne vedomstvoaralyq jumys tobymen bekitilgen genderlik teńdik úshin olardyń saıasat, baǵdarlamalar men búdjetterdiń sáıkes memlekettik organdardyń aýdıt júrgizetin aýdıtorlyq avstrıalyq sottyń jumysymen, qoldanystaǵy zańnamalyq bastamalar men jobalarmen tanysty.
«Avstrıalyq tájirıbe genderlik búdjetteý eldegi genderlik saıasatty nasıhattaýdyń bastapqy núktesi bolǵandyǵymen erekshelenedi. Osy turǵydan alǵanda, atalǵan oqý sapary sheńberinde alǵan bilim, seriktestik qarym-qatynastar Qazaqstanda genderlik baǵdarlanǵan búdjetteýdi damytýǵa jáne engizýge serpin berý úshin óte mańyzdy», – dedi Áıelder isteri jáne otbasylyq-demografıalyq saıasat jónindegi ulttyq komısıa Tóraǵasynyń orynbasary Elena Tarasenko.
Bul oqý sapary Qazaqstandaǵy «BUU-áıelder» qurylymymen genderlik baǵdarlanǵan josparlaý jáne búdjetteýdiń ulttyq júıesin nyǵaıtý jónindegi jobasy sheńberinde uıymdastyryldy. Bul bastamanyń iske asyrylýy memlekettik baǵdarlamalarǵa, josparlar men búdjet júıesine genderlik aspektilerin engizýge oń áserin tıgizýge, qazaqstandyq qoǵamnyń ár múshesiniń múddelerin, múmkindikteri men quqyqtaryn eskere otyryp, olardyń ashyqtyǵy men tıimdiligin arttyrady dep kútilýde.
