Ermahan Ybyraiymov 12 raýndqa deiin nokaýtsyz ótken kezdesýdiń naqty eki sebebi baryn aitty.
“Birinshiden, sońǵy kezde Gennadiige qarsy shyǵatyn boksshy tabylmai ketti, joqtyń qasy deýge bolady. Sosyn ony “monstr” – bárin japyryp tastaityn boksshy retinde kóp kórsetip ketti. Dál osy mifti seiiltip, qarsylastardyń qorqynyshyn azaitý úshin ol barlyq 12 raýnd boiy bokstasty. Ekinshiden, erte me, kesh pe, ýaqyt ózinikin alady. Gennadii Golovkin qazir 34-te, biyl 35-ke keledi. Qansha aitsaq ta, adamnyń jyldamdyǵy báseńdeidi, kúshi sarqylady. Menińshe, ýaqyt ta bolǵan siiaqty. Adamnyń resýrstary sheksiz emes qoi”
– dedi Ybraiymov.
Olimpiada chempiony Ermahan Ybraiymov Gennadii Golovkinge sońǵy belbeýdi (qazirgi iesi – britandyq boksshy Sonders) alǵannan keiin Saýl Alvaresti kútip júgire bermei, kelesi salmaq dárejesine aýysýy kerek ekenin aitty. Óitkeni ol jaqta qyzyqty ári tartysty jekpe-jekter kóp bolady.
Aita keteiik, Gennadii Golovkin 18 naýryz kúni Niý-Iorkte amerikalyq Deniel Djeikobspen jekpe-jek ótkizip, orta salmaqtaǵy WBA (Super), IBO, WBC jáne IBF nusqalary boiynsha barlyq belbeýlerin qorǵap qaldy. Aiqastan keiin Golovkin osy jolǵy aiqasty 12-raýndqa deiin jetkizýdi kózdemegenin aitty.
https://dalanews.kz/25017
