ەرماحان ىبىرايىموۆ 12 راۋندقا دەيٸن نوكاۋتسىز ٶتكەن كەزدەسۋدٸڭ ناقتى ەكٸ سەبەبٸ بارىن ايتتى.
“بٸرٸنشٸدەن, سوڭعى كەزدە گەننادييگە قارسى شىعاتىن بوكسشى تابىلماي كەتتٸ, جوقتىڭ قاسى دەۋگە بولادى. سوسىن ونى “مونستر” – بەرٸن جاپىرىپ تاستايتىن بوكسشى رەتٸندە كٶپ كٶرسەتٸپ كەتتٸ. دەل وسى ميفتٸ سەيٸلتٸپ, قارسىلاستاردىڭ قورقىنىشىن ازايتۋ ٷشٸن ول بارلىق 12 راۋند بويى بوكستاستى. ەكٸنشٸدەن, ەرتە مە, كەش پە, ۋاقىت ٶزٸنٸكٸن الادى. گەنناديي گولوۆكين قازٸر 34-تە, بيىل 35-كە كەلەدٸ. قانشا ايتساق تا, ادامنىڭ جىلدامدىعى بەسەڭدەيدٸ, كٷشٸ سارقىلادى. مەنٸڭشە, ۋاقىت تا بولعان سيياقتى. ادامنىڭ رەسۋرستارى شەكسٸز ەمەس قوي”
– دەدٸ ىبرايىموۆ.
وليمپيادا چەمپيونى ەرماحان ىبرايىموۆ گەنناديي گولوۆكينگە سوڭعى بەلبەۋدٸ (قازٸرگٸ يەسٸ – بريتاندىق بوكسشى سوندەرس) العاننان كەيٸن ساۋل الۆارەستٸ كٷتٸپ جٷگٸرە بەرمەي, كەلەسٸ سالماق دەرەجەسٸنە اۋىسۋى كەرەك ەكەنٸن ايتتى. ٶيتكەنٸ ول جاقتا قىزىقتى ەرٸ تارتىستى جەكپە-جەكتەر كٶپ بولادى.
ايتا كەتەيٸك, گەنناديي گولوۆكين 18 ناۋرىز كٷنٸ نيۋ-يوركتە امەريكالىق دەنيەل دجەيكوبسپەن جەكپە-جەك ٶتكٸزٸپ, ورتا سالماقتاعى WBA (Super), IBO, WBC جەنە IBF نۇسقالارى بويىنشا بارلىق بەلبەۋلەرٸن قورعاپ قالدى. ايقاستان كەيٸن گولوۆكين وسى جولعى ايقاستى 12-راۋندقا دەيٸن جەتكٸزۋدٸ كٶزدەمەگەنٸن ايتتى.
https://dalanews.kz/25017
