Qazaqstan Respýblikasynyń Sport jáne týrizm ministrliginiń ókili Aian Tólegen Golovkindi «Gena» dep atamaýǵa shaqyrdy, dep habarlaidy Dalanews.kz.
Aian Tólegen Golovkindi World Boxing uiymynyń prezidenti bolyp taǵaiyndalýymen quttyqtady. Onyń aitýynsha, jaqyn ýaqytta búkil áýesqoi boks álemi Gennadii Golovkinniń alǵashqy qadamdaryn taǵatsyzdana kútetin bolady.
Budan bólek, Direktsiia ókili qazaqstandyqtarǵa kútpegen ótinishpen júgindi.
«Jáne taǵy bir, shyn máninde, óte mańyzdy jait bar. Bul eń aldymen jýrnalister men jankúierlerge arnalǵan ótinish. Materialdaryńyzda, jazbalaryńyzda nemese tribýnadaǵy jankúierlik urandaryńyzda Golovkindi “Gena” dep ataýdy doǵaryńyzdar. Onyń jasy — 43-te, jáne ol álemdik sporttaǵy eń qurmetti tulǵalardyń biri. Biz eń aldymen ózimiz, elimizdegi jáne halyqaralyq qaýymdastyqtaǵy onyń ornyn laiyqty qurmetpen kórsetýimiz kerek. Sondyqtan World Boxing uiymyndaǵy qyzmetine tek sáttilik pen zor jeńister tileimiz, Gennadii Gennadevich!» — dep ún qatty Tólegen.
