قازاقستان رەسپۋبليكاسىنىڭ سپورت جانە تۋريزم مينيسترلىگىنىڭ وكىلى ايان تولەگەن گولوۆكيندى «گەنا» دەپ اتاماۋعا شاقىردى، دەپ حابارلايدى Dalanews.kz.
ايان تولەگەن گولوۆكيندى World Boxing ۇيىمىنىڭ پرەزيدەنتى بولىپ تاعايىندالۋىمەن قۇتتىقتادى. ونىڭ ايتۋىنشا، جاقىن ۋاقىتتا بۇكىل اۋەسقوي بوكس الەمى گەنناديي گولوۆكيننىڭ العاشقى قادامدارىن تاعاتسىزدانا كۇتەتىن بولادى.
بۇدان بولەك، ديرەكسيا وكىلى قازاقستاندىقتارعا كۇتپەگەن وتىنىشپەن جۇگىندى.
«جانە تاعى ءبىر، شىن مانىندە، وتە ماڭىزدى جايت بار. بۇل ەڭ الدىمەن جۋرناليستەر مەن جانكۇيەرلەرگە ارنالعان ءوتىنىش. ماتەريالدارىڭىزدا، جازبالارىڭىزدا نەمەسە تريبۋناداعى جانكۇيەرلىك ۇراندارىڭىزدا گولوۆكيندى “گەنا” دەپ اتاۋدى دوعارىڭىزدار. ونىڭ جاسى — 43-تە، جانە ول الەمدىك سپورتتاعى ەڭ قۇرمەتتى تۇلعالاردىڭ ءبىرى. ءبىز ەڭ الدىمەن ءوزىمىز، ەلىمىزدەگى جانە حالىقارالىق قاۋىمداستىقتاعى ونىڭ ورنىن لايىقتى قۇرمەتپەن كورسەتۋىمىز كەرەك. سوندىقتان World Boxing ۇيىمىنداعى قىزمەتىنە تەك ساتتىلىك پەن زور جەڭىستەر تىلەيمىز، گەنناديي گەنناديەۆيچ!» — دەپ ءۇن قاتتى تولەگەن.
