Geely Galaxy brendi Qazaqstannyń avtomobil naryǵyndaǵy pozitsiiasyn nyǵaitýdy jalǵastyryp keledi. Sonymen qatar, Geely Galaxy gibridti kólikter segmentinde ekinshi ai qatarynan satylym boiynsha kósh bastap, qazaqstandyqtardyń brendke degen joǵary qyzyǵýshylyǵyn taǵy bir márte dáleldedi, dep habarlaidy dalanews.kz.
Qazaqstan avtobiznes qaýymdastyǵynyń málimetinshe, 2026 jyldyń qańtar-sáýir ailarynyń qorytyndysy boiynsha Geely Galaxy elimizdegi eń kóp satylǵan avtomobil brendteriniń TOP-10 qataryna endi. Osylaisha brend Chevrolet, Hyundai, Kia, Changan, Haval, Chery, Jetour, Toyota jáne Geely sekildi naryqtyń iri oiynshylarymen bir qatarǵa jaiǵasty.
2026 jyldyń alǵashqy ailarynda brend mańyzdy mejeden ótip, satylǵan avtokólikter sany alǵash ret myńnan asty. Bul — Qazaqstan naryǵyndaǵy jańa avtomobil brendteri arasyndaǵy eń qarqyndy bastamalardyń biri.
2026 jyldyń qańtar-sáýir ailary aralyǵynda Qazaqstanda 1000-nan astam kólik satyldy:
- Geely Galaxy Cityray — 492 avtokólik
- Geely Galaxy EX5 EM-i — 345 avtokólik
- Geely Galaxy Preface — 161 avtokólik
- Geely Galaxy EX5 — 22 avtokólik
Mundai nátije qazaqstandyqtardyń jańa býyndaǵy tehnologiialyq ári zamanaýi kólikterge qyzyǵýshylyǵy joǵary ekenin kórsetedi.
Jańa energiia men intellektýaldy mobildilik brendi
Geely Galaxy — Geely Holding korporatsiiasynyń jańa energiia kózderi men intellektýaldy tehnologiialarǵa baǵyttalǵan zamanaýi brendi. Brend alǵash ret 2023 jyly Hanchjoý qalasynda tanystyrylsa, 2025 jyly derbes jahandyq brendke ainaldy.
Geely Galaxy kólikteri ozyq injenerlik sheshimderdi biriktiredi: intellektýaldy júrgizýshi kómekshileri, joǵary qaýipsizdik deńgeii, tsifrlyq interfeister men basqarý júieleri júrgizýshi men kólik arasyndaǵy bailanysty barynsha yńǵaily ári intýitivti etedi. Brend jelisindegi árbir model túrli ómir saltyna beiimdelgen.
Cityray
Qazaqstandaǵy eń tanymal model — Geely Galaxy Cityray qalalyq krossoveri boldy. Ol megapolistegi qarqyndy ómir yrǵaǵyna beiimdelip, yqshamdylyqty, manevrlikti jáne tehnologiiany úilestiredi.
Preface
Preface biznes-sedany mártebe men jailylyqty, sondai-aq kúndelikti saparlarda tsifrlyq sheshimderdi baǵalaityn jandarǵa arnalǵan. Avtokólik iskerlik kezdesýlerge de, otbasylyq saiahattarǵa da birdei qolaily.
Geely Galaxy EX5
EX5 elektrli krossoveri zamanaýi qala ómirine arnalǵan ekologiialyq taza ári dinamikalyq qozǵalys usynady. Qýatty elektrqozǵaltqyshy jyldam údeýdi qamtamasyz etse, úlken júris qory kólikti kúndelikti senimdi paidalanýǵa múmkindik beredi.
Geely Galaxy EX5 EM-i
Qazaqstan tarihyndaǵy eń kóp satylǵan gibridterdiń biri sanalatyn bul model uzaq qashyqtyqtarǵa arnalǵan ámbebap sheshimge ainalyp otyr. Ol joǵary júris qoryn jáne únemdilikti qamtamasyz etedi. Bul ásirese Qazaqstan jaǵdaiynda ózekti.
Geely Galaxy EX2
2026 jyldyń mamyr aiynan bastap Geely Galaxy EX2 yqsham elektrli krossoveri de Qazaqstandaǵy Geely Galaxy modeldik qatarynyń bir bóligine ainaldy. Bul brendtiń elektrlendirilgen kólik baǵytyn damytý strategiiasyn kórsetedi.
Qazirgi tańda model Almaty, Astana, Qaraǵandy, Kókshetaý, Qostanai, Aqtóbe, Pavlodar, Shymkent jáne Qyzylorda qalalarynda satylymda bar.
Qazaqstan naryǵyna jaqynda ǵana shyqqanyna qaramastan, Geely Galaxy qarqyndy damý dinamikasyn kórsetip otyr.
2026 jyldyń sońyna deiin brend dilerlik jelini 22 núktege deiin keńeitýdi jáne el boiynsha jańa ortalyqtar ashýdy josparlap otyr. Bul avtokólikter men servisti klientter úshin burynǵydan da qoljetimdi ete túspek.
