Memleket basshysy Qasym-Jomart Toqaev BUU Bas Assambleiasy 80-shi sessiiasynyń Jalpy debatynda sóz sóiledi, dep habarlaidy Dalanews.kz.
Prezidenttiń aitýynsha, Qazaqstan beibit turǵyndarǵa orasan zor zalal keltirip, jahandyq senimge selkeý túsirgen jáne halyqaralyq qaýipsizdikti álsiretken Ýkraina ainalasyndaǵy daǵdarysqa alańdaýly.
"Territoriialyq daý-damaidy sheshý eshqashan ońai bolǵan emes. Ol keleshek urpaqtyń qamy úshin eki jaqtyń da barynsha ustamdylyq pen jaýapkershilik tanytýyn talap etedi. Óshpendilik psihologiiasy qaqtyǵysqa qatysýshy taraptardyń bitimge kelýine múmkindik qaldyrmai, qai-qaisysyn da qurdymǵa jiberedi.
Gazadaǵy gýmanitarlyq daǵdarystyń aýqymy tipti qorqynyshty. Oǵan bei-jai qaraý múmkin emes. Bul qaqtyǵystyń tarihi tamyry tym kúrdeli. Biz osy jaýlasýdyń túpki sebebin eskerýsiz qaldyra almaimyz.
Qazaqstan áskeri is-qimyldy dereý toqtatýǵa, beibit turǵyndardy tolyq qorǵaýǵa jáne halyqaralyq gýmanitarlyq quqyq aiasyndaǵy kómektiń kedergisiz jetýin qamtamasyz etýge shaqyrady. Biz eki memlekettiń beibit qatar ómir súrýine negizdelgen sheshimdi quptaimyz ári BUU-nyń jetekshi rólin moiyndaimyz", - dedi Toqaev.
Memleket basshysy Qazaqstan Taiaý Shyǵystaǵy óńirlik bitimgerlikke baǵyttalǵan Arabtyń beibit bastamasy, Niý-Iork deklaratsiiasy, Ibrahim kelisimi sekildi diplomatiialyq usynymdardy qoldaitynyn jetkizdi.
"Eger kóshbasshylyq pen saiasi erik-jiger bolsa, bul qujattar arazdyqty yntymaqtastyq pen ortaq igilikke ainaldyrýǵa bolatynyn kórsetedi. Sondai-aq biz AQSh Prezidentiniń araaǵaiyndyǵymen Ázerbaijan men Armeniia qarym-qatynasynyń qalypqa túskenin erekshe yqylaspen qabyl aldyq. Bul diplomatiia men parasatty sheshimniń arqasynda uzaq jylǵa jalǵasqan kez kelgen qaqtyǵysty retteýge bolatynyn dáleldedi. Qazaqstan osy qaǵidatqa súienip, daýdy ýshyqtyrǵannan góri diplomatiiaǵa júginýdi, kúsh qoldanǵannan góri dialog júrgizýdi jón dep sanaidy", - dedi Prezident.
