Gaıtı prezıdenti Jovenelá Moızany 7 shilde túnde Port-o-Prense qalasyndaǵy rezıdensıasynda atyp ketti. Bul týraly Gaıta premeriniń málimdemesine silteme jasap, halyqaralyq agenttikter habarlady.

Rezıdensıaǵa shabýyl túngi birlerde jasalǵan. Shabýyldan prezıdenttiń áıeli Martına Moız jaralanyp, aýrýhanaǵa jetkizilgen.

«7 shilde túnde belgisiz adamdar prezıdenttiń jeke rezıdensıasyna shabýyl jasap, óltirip ketti. Shabýyldaǵandardyń keıbiri ıspan tilinde sóılegen» dep málimdedi el úkimeti.

Gaıtı premeri Klod Jozef eldegi jaǵdaı polısıa men qarýly kúshterdiń baqylaýynda ekenin málimdedi. Ol prezıdentke qastandyqty «varvarlyq áreket» dep atady. Jozef eldi ýaqytsha basqaratynyn da aıtty.

Jovenel Moız 2017 jyly aqpanda bılikke kelgen. Ol 2016 jyly qarashada ótken prezıdent saılaýynda jeńimpaz dep tanylǵan.

2018 jyly qazanda Moızge Pon-Rýj qalasynda shabýyl jasaǵan. Ol táýelsiz Gaıtıdiń negizin qalaýshy jáne birinshi prezıdenti Jan-Jak Dessalınniń eskertkishine gúl qoıyp jatqanda belgisiz bireýler oq atqan. Shabýyldan prezıdenttiń eki oqqaǵary zardap shekken, Moız aman qalǵan.

Moızany jemqorlyqqa aıyptaıtyndar kóp, elde oǵan qarsy jıi narazylyq ótip turatyn.