Garvardtan sheteldik stýdentterdi aýystyrý talap etildi. Oqý ornynda qansha qazaqstandyq oqyp júrgeni belgili boldy, dep habarlaidy Dalanews.kz.
Qazaqstannyń Joǵary bilim jáne ǵylym ministrligi Garvard ýniversitetinde jeti qazaqstandyq stýdent oqyp jatqanyn habarlady.
Vedomstvonyń málimetinshe, olardyń barlyǵy "Bolashaq" baǵdarlamasy boiynsha bilim alýda.
Buǵan deiin AQSh-tyń burynǵy prezidenti Donald Tramptyń ákimshiligi Garvard ýniversitetinen sheteldik stýdentterdi qabyldaý quqyǵyn alyp tastaǵany belgili boldy.
Bul sheshimge sáikes, álemdegi bedeldi joǵary oqý oryndarynyń biri sanalatyn Garvardta oqyp jatqan sheteldik stýdentter legaldy mártebesin joǵaltpaý úshin basqa ýniversitetterge aýysýy tiis.
Sondai-aq AQSh-tyń ishki qaýipsizdik ministri Kristi Noem Garvardty "antisemitizm aldynda tize búkti" dep aiyptaǵan.
Bilik ýniversitetten kadr qabyldaý, stýdentterdi irikteý jáne oqytý tájiribesin qaita qaraýdy talap etken.
