Adamzat Aiǵa qaita oralý dáýirine qadam basty. «Artemis» baǵdarlamasy aiasynda júrgizilip jatqan zertteýler ǵarysh ǵylymyndaǵy jańa kezeńniń bastalǵanyn kórsetedi. Bul týraly Nazarbaev ýniversitetiniń oqytýshysy, astrofizik Bekdáýlet Shúkirǵaliev aitty, dep habarlaidy Dalanews.kz
«Artemis» baǵdarlamasy aiasynda tórt astronavt Aidyń arǵy betin zerttep, sýretke túsirý úshin jiberilgen bolatyn. Ǵalymnyń aitýynsha, mundaǵy missiialardyń basty maqsaty – Ai betinde bolyp jatqan tabiǵi protsesterdi tereńirek túsiný.
Negizgi ǵylymi baǵyttardyń biri – Ai betine túsetin soqqylardy zertteý. Iaǵni, ártúrli aspan deneleri Aiǵa qanshalyqty jii qulaidy jáne olardyń áseri qandai – osy suraqtarǵa jaýap izdelýde, - deidi ǵalym.
Onyń sózinshe, bul zertteýler tek Aidy ǵana emes, jalpy Kún júiesindegi protsesterdi túsinýge múmkindik beredi. Sondai-aq ǵalym adamzattyń Aiǵa qaita bet burýyn tarihi oqiǵa dep baǵalaidy.
Buǵan deiin «Apollon» baǵdarlamasy arqyly amerikalyqtar Ai betine qonǵan. Keiin bul baǵyttaǵy jumystar uzaq ýaqyt toqtap qaldy. Qazir bul zertteýler qaita jandanyp otyr. Bul – ǵarysh salasyndaǵy úlken serpilis, - deidi ol.
Bekdáýlet Shúkirǵaliev Qazaqstanda da Aidy zertteýge qatysty jobalar bar ekenin atap ótti.
Qazirgi tańda Fizika-astronomiia institýty men ǵylymi uiymdar Aidy ainalyp júretin teleskop jobasyn ázirleýde. Eger bul baǵdarlama aldaǵy onjyldyqta iske assa, Qazaqstan úshin jańa ǵylymi múmkindik ashylady, - deidi astrofizik.
Onyń aitýynsha, mundai jobalar eldiń ǵylymi áleýetin arttyryp, halyqaralyq deńgeidegi zertteýlerge jol ashady.
