Saltanatty sharaǵa memleket jáne qoǵam qairatkerleri, ziialy qaýym ókilderi, sheteldik jáne otandyq ýniversitetterdiń beldi ǵalymdary, ǵalymnyń áriptesteri men shákirtteri, aqyn-jazýshylar, qazaq estradasynyń juldyzdary, sondai-aq QazUPÝ-dyń oqytýshy-professorlar quramy men stýdentter qatysty.
Konferentsiiany bilim ordasynyń basshysy-rektor Darhan Bilálov quttyqtaý sózben ashyp, kesh iesiniń ómir jolyna toqtaldy.
B.Ábdiǵaziulynyń ásirese Shákárimtaný ǵylymyna qosqan úlesi aýyz toltyryp aitarlyqtai.
Óz kezeginde Ál-Farabi atyndaǵy QazUÝ-niń professory B. Zeinol-Ǵabden, QR UǴA korrespondent-múshesi F.Orazbaeva, Qyrǵyz Respýblikasy UǴA akademigi A. Akmataliev, M. Áýezov atyndaǵy ádebiet jáne óner institýtynyń direktory K. Matyjanov, professor T.Baimoldaev, taǵy basqalar túrli taqyrypta baianama jasasa, akademik B.Smanov, professor B.Álmuhambetov sóz sóilep, stýdent kezdegi estelikterimen bólisti. Sonymen birge Parlament depýtaty A. Áltaev, Qazaqstan Jazýshylar odaǵy basqarmasynyń tóraǵasy U. Esdáýlet, L. Gýmilev atyndaǵy EUÝ-niń rektory E. Sydyqov, Qoja Ahmet Iasaýi atyndaǵy HQTÝ-niń basshysy A. Turǵanbaev, Shákárim atyndaǵy Semei memlekettik ýnivesitetiniń rektory B. Erdenbekov, S. Toraiǵyrov atyndaǵy Pavlodar memlekettik ýniversitetiniń rektory S. Sútjanov, odan basqa Ózbekstan, Túrkiia, Ázerbaijan memleketteriniń belgili ǵalymdary óz quttyqtaýlaryn joldady.
Atalǵan is-shara offlain jáne onlain formatynda ótkenin aita ketý oryndy.
Jiyn barysynda ýniversitet janynan qurylǵan «Úrker» stýdenttik teatry B. Ábdiǵaziulynyń jastyq shaǵynan alynǵan «Bolashaqqa baǵdar» kórsetiliminen úzindi qaisa, qazaq estradasynyń juldyzdy «Qońyr» toby halyq ánderin oryndap, jinalǵandardy bir serpiltip tastady.
Sharany Filologiia institýtynyń direktory Alýa Tańjaryqova júrgizip otyrdy.
https://dalanews.kz/kandastar/32960-t-rki-tilini-tarihy-o-yrman-a-zhol
