Is-sharada Assambleianyń Qazaqstan tarihyndaǵy orny, onyń egemendikti bekite túsýge qosqan úlesi egjei-tegjei aityldy.
Jiynnyń shymyldyǵyn túrgen QHA tóraǵasynyń birinshi orynbasary Marat Ádilhanov uiymnyń osy 30 jylda atqarǵan isin oi eleginen ótkizip, óz baǵasyn berdi.
Onyń aitýynsha Assambleia elimizdegi tili men dili bólek ult pen ulystyń basyn qosyp, tynyshtyq pen turaqtylyqtyń uiytqysy bola bildi.
"Biylǵy jyly elimizdiń egemendik alǵanyna 30 jyl tolyp otyr. Elbasynyń saýatty saiasaty men sheber sheshimderiniń nátijesinde Qazaqstan túrli saiasi-áleýmettik dúmpýlerdi ainalyp ótti. Elimizde tatýlyq pen kelisimniń ózindik úlgisi qalyptasty", – dedi ol.
Onyń atap ótkenindei Assambleianyń qurylýy asa mańyzdy kezeńde jasalǵan tańdaý boldy ári bul sheshim óziniń ózektiligi men ómirsheńdigin dáleldedi.
Táýelsizdiktiń eleń-alańynda Nazarbaev bastamasymen qurylǵan uiymnyń negizgi maqsaty - elimizdegi barsha etnostardyń múddesin qorǵaý edi, Assambleia bul missiiany oidaǵydai oryndaǵan.
“Osylaisha 1995 jyly Qazaqstan halqy assambleiasynyń irgetasy qalandy. Assambleia músheleri memlekettiń órkendeýine men qalyptasýyna óte úlken úles qosyp otyr. Memleketimizdiń qazirgi jetistikterin maqtan ete alamyz", - dedi Assambleia tóraǵasynyń orynbasary.
Al uiymnyń ǵylymi-saraptamalyq keńesi ultty uiystyrýǵa qandai úles qosty? Osy baǵytta qandai ǵylymi zertteýler jasaldy?
Marat Ádilhanovtyń aitýynsha, osynaý keńestiń barlyq músheleri qoǵamdyq-saiasi jumysta belsendilik tanytyp júr. Qazaqstandaǵy turaqtylyq pen tatýlyqtyń negizgi faktorlaryn qarastyryp, turaqty túrde túrli-túrli mańyzdy zertteýler júrgizýde.
“Assambleiaǵa qarasty sarapshylar men mamandardyń qolynan shyqqan ǵylymi zertteýler joǵary suranysqa ie. Assambleia jumysyn ǵylymi turǵydan taldaýda aýqymdy jumys atqaryldy. Ǵylymi-saraptamalyq keńes egemen Qazaqstannyń ári qarai órkendeýine óz úlesin qosa beredi», - dedi ol.
