Shymkentte jastar komandalary arasyndaǵy fýtbol matchy tóbelespen aiaqtaldy. «Ordabasy» men «Aqtóbe» klýbtarynyń jas oiynshylary alańda janjal shyǵaryp, sońy jappai qaqtyǵysqa ulasqan, dep habarlaidy Dala news.
Kozachkov telegramm kanalynyń málimetine sáikes, oiyn barysynda fýtbolshylar dop tebýdiń ornyna bir-birine qol kóterip, jappai tóbeles bastaǵan. Oqiǵa saldarynan «Aqtóbe» komandasynyń eki oiynshysy aýrýhanaǵa jetkizildi.
Olardyń birine aýyr jaraqat saldarynan operatsiia qajet ekeni habarlandy. Dárigerlerdiń málimetinshe, fýtbolshylardyń biriniń jaq súiegi synǵan.
Matchtyń naqty nátijesi ázirge jariialanǵan joq.
Shymkent qalalyq politsiia departamentiniń málimetinshe, oqiǵa boiynsha «Buzaqylyq» baby boiynsha qylmystyq is qozǵaldy. Tergeý barysynda janjaldyń bastalýyna sebep bolǵan «Ordabasy» komandasynyń kapitany anyqtalyp, ol qamaýǵa alynǵan.
Qazirgi ýaqytta oqiǵanyń barlyq mán-jaiy anyqtalyp jatyr.
