Freedom Holding Corp. 2026 fıskaldyq jylǵy İ toqsannyń qarjylyq nátıjelerin jarıalady, kompanıa úshin ol aǵymdaǵy jylǵy 30 maýsymda aıaqtaldy,- dep habarlaıdy Dalanews.kz
Negizgi kórsetkishter mynadaı serpin kórsetti:
- Esepti kezeńdegi túsim 533,4 mln AQSH dollaryn qurady, onyń bir jyl burynǵy kórsetkishpen salystyrǵanda 78,4 mln AQSH dollaryna (17%) ósýi baǵaly qaǵazdarmen jasalǵan operasıalar boıynsha taza paıdanyń ulǵaıýy esebinen boldy. Oǵan qosa, túsimniń oń serpinine zeınetaqy anýıteti jáne jazataıym oqıǵalardan saqtandyrý boıynsha sharttar sanynyń ulǵaıýyna baılanysty qaıta saqtandyrýdy shegergende tapqan saqtandyrý syılyqaqylary kóleminiń ósýi áser etti. Sondaı-aq basqa enshiles kompanıalardaǵy taýarlar men kórsetiletin qyzmetterdiń ósýi oń áser etti.
- Freedom Holding Corp. kompanıasynyń taza paıdasy 30,4 mln AQSH dollaryn qurady. Holdıń aksıasynyń paıdasy 0,51 AQSH dollaryn qurady*.
- Holdıńtiń aktıvteri 9,9 mlrd AQSH dollarynan 9,7 mlrd AQSH dollaryna azaıdy (-2%). Mindettemeler 8,5 mlrd AQSH dollaryn (-3%) qurady.
2026 fıskaldyq jylǵy İ toqsanda demeýshilikke jumsalǵan shyǵys 6.5 mln AQSH dollaryna ulǵaıdy. Oǵan Toptyń enshiles kompanıalary arqyly júzege asyrylǵan birneshe jarna kirdi. Esepti kezeńde neǵurlym aıtarlyqtaı demeýshilik salym Qazaqstannyń QJ League jasóspirimder fýtbol lıgasyna jumsaldy.
Esepti kezeńde klıentter qory ári qaraı ósti: brokerlik shottar 725 myń (+43 myń), saqtandyrý kompanıalarynyń klıentteri 1,4 mln (+226 myń), kórsetiletin bank qyzmetterin paıdalanýshylar 3,0 mln (+412 myń).
2025 jylǵy 26 maýsymda S&P Global Ratings halyqaralyq agenttigi Holdıńtiń negizgi enshiles kompanıalary: «Frıdom Fınans» AQ, Freedom Finance Global PLC, Freedom Finance Europe Ltd jáne «Frıdom Bank Qazaqstan» AQ-tyń reıtıńteri boıynsha boljamdy «turaqtydan» «pozıtıvti» boljamǵa qaıta qarap, táýekeldi basqarý jáne komplaens júıesin nyǵaıtý aıasynda uzaq merzimdi jáne qysqa merzimdi «V+/V» deńgeıindegi reıtıńterdi rastady. Ulttyq shkala boıynsha «Frıdom Fınans» AQ pen «Frıdom Bank Qazaqstan» AQ-tyń reıtıńteri «kzBBB»-ten «kzBBB+»-ke deıin kóterildi. Freedom Holding Corp. kompanıasynyń reıtıńi «V-» deńgeıinde rastaldy.
Sondaı-aq, Freedom Holding Corp. kompanıasy aksıalarynyń 2025 jylǵy 27 maýsymda amerıkalyq naryq jabylǵannan keıin kúshine engen jyl saıynǵy qaıta teńgerimdeý sheńberinde Russell 3000 ındeksine qosylýy mańyzdy oqıǵa boldy. Russell 3000 ındeksi AQSH-tyń ınvestısıalanǵan aksıalar naryǵynyń shamamen 98%-yn quraıtyn 3,019 eń iri amerıkalyq kompanıalardyń serpinin qadaǵalaıdy.
