Freedom Finance Global 2027 qarjy jylynyń I-toqsanynyń (2026 jyldyń 1 sáýiri – 30 maýsymy) qorytyndysyn shyǵarady. Atalǵan kezeńde 19,6 myńnan astam brokerlik shot ashylyp, klientter baǵaly qaǵazdarmen 8,4 mln-nan astam mámile jasady. Kompaniiada qoldanystaǵy klienttik shottardyń jalpy sany 333,4 myń deńgeiinen asty, dep habarlaidy dalanews.kz.
Qarjylyq nátijeler
Freedom Finance Global 2027 qarjy jylynyń I-toqsanyn operatsiialyq kólemderdiń senimdi ósimimen jáne kapital bazasynyń nyǵaiýymen aiaqtady. Esepti kezeńdegi jiyntyq kiris bir jyl burynǵy $136,06 mln-ǵa qarsy $227,90 mln-ǵa jetti – 67,5%-dyq ósim brokerlik biznestiń keńeiýin kórsetedi.
Taza paida $31,96 mln-dy qurady (ótken jyldyń uqsas kezeńinde $35,83 mln bolǵan). 10,81%-ǵa tómendeý operatsiialar kóleminiń ulǵaiýy aiasynda shyǵystardyń ozýmen ósýine bailanysty: komissiialyq jáne saýda shyǵyndary klienttik belsendiliktiń artýyna proportsionaldy túrde ósti, bul biznestiń úlken ainalymda jumys isteýin kórsetedi.
Kompaniianyń aktivteri 2026 jylǵy 30 maýsymdaǵy jaǵdai boiynsha $278,51 mln-dy qurap, ótken toqsannyń deńgeiinde ($278,39 mln) turaqty saqtaldy. Bul rette toqsan ishinde kompaniia aktsionerlerge $40 mln dividend tólep, aktivter aýqymyn saqtap qaldy jáne balansty álsiretken joq – bul aqsha aǵyny turaqtylyǵynyń kórsetkishi.
Menshikti kapital esepti kezeńdegi paida esebinen toqsan ishinde $30,87 mln-ǵa (+17,08%) ulǵaiyp, $211,67 mln-ǵa deiin ósti. Kapitaldyń ósýi birjolǵy faktorlarmen emes, operatsiialyq nátijemen qamtamasyz etildi, bul paidanyń sapasyn rastaidy.
Toqsannyń basty oqiǵalary
Esepti toqsan Freedom Broker úshin dáleldengen senimdilik pen tehnologiialyq damý kezeńi boldy. S&P Global Ratings halyqaralyq reitingtik agenttigi Freedom Finance Global kompaniiasynyń uzaq merzimdi nesielik reitingin turaqty boljammen «BB-» deńgeiine deiin kóterdi, bul kompaniianyń táýekelderdi basqarý jáne komplaens salasyndaǵy júieli jumysyn kórsetedi.
Dál osy kezeńde KPMG Tax and Advisory kompaniiasynyń júielerine táýelsiz baǵalaý júrgizdi: ishki baqylaý aýditi Freedom Finance Global kompaniiasynyń zańnama talaptaryna jáne QK/TQQ, JJQTQ jáne sanktsiialyq komplaens salasyndaǵy halyqaralyq standarttarǵa, sonyń ishinde FATF usynymdaryna, aqshany jylystatýǵa qarsy is-qimyl salasyndaǵy eýropalyq direktivalarǵa, OFAC Framework for Compliance Commitments ádisnamasyna, sondai-aq úzdik naryqtyq tájiribelerge sáikestigin rastady. Bul kompaniia úshin mundai aýqym men tereńdiktegi alǵashqy baǵalaý, bul onyń ishki baqylaý júiesiniń kemeldigin jáne komplaens salasyndaǵy eń joǵary álemdik standarttarǵa tolyq sáikestigin mańyzdy rastaýǵa ainaldy. Mundai nátije kompaniianyń barynsha ashyqtyqqa jáne óz protsesterin úzdiksiz jetildirýge beiildiligin kórsetedi.
Damýdyń jeke baǵyty – ITS (International Trading System) júiesimen yntymaqtastyq: Freedom Broker klienttik mámilelerdiń tezirek jáne yńǵaily ótýi úshin tehnologiialyq infraqurylymdy nyǵaitýdy jalǵastyrýda. Klientterdiń ITSW birjalyq qoryna degen qyzyǵýshylyǵy da artyp keledi, ustaýshylar sany birtindep ósýde.
2026 jylǵy 30 maýsymdaǵy jaǵdai boiynsha Freedom Finance Global Qazaqstan qor birjasynda (KASE) saýdalanatyn baǵaly qaǵazdardyń 7 ataýy, Astana International Exchange (AIX) birjasynda 17 ataýy jáne ITS júiesinde shamamen 2 800 ataýy boiynsha marketmeiker retinde áreket etti.
Freedom Finance Global kompaniiasynyń investitsiialyq banking baǵyty 2027 qarjy jylynyń I-toqsanynda qarjylyq keńesshi retinde «Qazaqstan temir joly» UK» AQ-nyń AIX birjasyndaǵy eki dollarlyq eýroobligatsiialar shyǵarylymyn ornalastyrýdy súiemeldedi (tikerleri: KTZ.0431 jáne KTZ.0436). Freedom Finance Global anderraiter retinde Qazaqstan qor birjasynda (KASE) BI Development Ltd. kompaniiasynyń teńgelik obligatsiialaryn ornalastyrýdyń eki kezeńin uiymdastyrdy (tikerleri: BIGDb7 jáne BIGDb11). Ornalastyrýdyń jalpy kólemi jyldyq 20% kýpondyq mólsherlememen 18,9 mlrd teńgeni ($39 mln) qurady.
2026 kúntizbelik jyldyń I-toqsanynda kompaniia tsifrlyq aktivterdi paidalana otyryp, qarajatty toltyrý jáne shyǵarý servisterin iske qosty, al II-toqsanda kompaniia klientteri olardy belsendi túrde paidalandy. Dál osy kezeńde kompaniia paidalanýshylarǵa dástúrli qarjylyq quraldar men kriptovaliýtalarmen operatsiialardy biryńǵai investitsiialyq platforma aiasynda biriktire otyryp, tsifrlyq aktivterdi tikelei brokerlik shotta saqtaý múmkindigin berdi. Sonymen qatar, qoldaý kórsetiletin tsifrlyq aktivter jelisi 3-ten 11 kriptovaliýtaǵa deiin keńeitildi, bul klientterge investitsiialyq múmkindikterdiń keńirek tańdaýyna qol jetkizýge múmkindik berdi.
