«ForteBank» AQ-y T.Rysqulov atyndaǵy Qazaq ekonomikalyq ýniversitetiniń daryndy stýdentteri úshin bilim granttaryn taǵaiyndaý konkýrsynyń jeńimpazdaryn anyqtady.
Konkýrs elimizdiń jetekshi ekonomikalyq joǵarǵy oqý orny sanalatyn T.Rysqulov atyndaǵy Qazaq ekonomikalyq ýniversiteti «Qarjy» mamandyǵynyń 4 kýrs stýdentteri úshin qyrkúiek aiynda jariialanǵan bolatyn.
Úmitker stýdentterdiń akademiialyq bilimderi, ýájdemesi jáne kóshbasshylyq qabiletteriniń bolýy, shet tilderin meńgerýi, sporttyq jetistikteri jáne ǵylymi jáne qoǵamdyq qyzmetterindegi jetistikteri komissiia baǵalaýynan ótken, sondai-aq, Bank ókilimen aýyzsha suhbattasý júrgizilgen konkýrstyń eki satysynyń qorytyndysy boiynsha «ForteBank» AQ-nyń basshylyǵy QazEÝ-diń eki stýdenti - Jalǵas Toibazar jáne Erik Ogandjanianǵa granttar taǵaiyndaý týraly sheshim qabyldady.
Bul stýdentterge 2014-2015 oqý jylyna oqý aqysyn tóleý úshin aqshalai qarajat bólindi. Sondai-aq, «Forte-grantyn» jeńip alǵan stýdentterge óndiristik jáne/nemese diplom aldy is-tájiribeden óz qabyrǵasynda ótýine Bank kepildik beredi. 2014 jyldyń 25 tamyzynda ótken T.Rysqulov atyndaǵy QazEÝ Ǵylymi Keńesiniń otyrysynda ýniversitet rektory, professor S.A. Sviatov «Forte-grantynyń» jeńimpaz stýdentterine «ForteBank» AQ-nyń Basqarma Tóraǵasynyń orynbasary G.Bisembievanyń ataýly hatyn tabystap, ýniversitet ujymynyń atynan quttyqtap, aldaǵy ýaqytta tabysty oqýda jáne biik jetistikterge jetýlerine tilek bildirdi.
Derek pen dáiek
T.Rysqulov atyndaǵy Qazaq ekonomikalyq ýniversiteti – QR BjǴM bilim berý baǵdarlamalary reitingisi aiasynda bakalavriat mamandyqtarynyń reitingisinde-2014 «Ekonomika jáne biznes» baǵyty boiynsha kóshbasshy orynǵa ie. Ýniversitet jumys berýshi kompaniialardyń túlekter quzyrettiligin baǵalaýy boiynsha Qazaqstan JOO reitingisinde ekinshi oryndy ielenip, BSQTQA reitingisi boiynsha gýmanitarlyq-ekonomikalyq JOO arasynda úzdik úshtigine kiredi, bilim berý baǵdarlamalarynyń ulttyq jáne halyqaralyq akkreditatsiiasyn, QR JOO Assotsiatsiiasynyń A.Baitursynov atyndaǵy ordenin ielendi.
2007 jyly qurylǵan ForteBank ShjOB kompaniialaryna jáne korporativti klientterge birinshi sanattaǵy qarjylyq qyzmetter usynady. 2012 jyly júrgizilgen rebrendingten keiin ol qazaqstandyq bizneske nazar aýdarylǵan damý strategiiasyna ózgertti. ForteBank klienttermen áriptestik printsipinde jumys jasaidy, óziniń árbir klientiniń esimin, onyń biznesi men qajettilikterin biledi. Banktiń joǵary bilikti komandasy óz klientterine durys ónim tańdaýǵa jáne olar úshin qarjy keńesshisi bolýǵa múmkindik beretin qazaqstandyq, sol siiaqty shetel naryǵynda jumys isteýde mol tájiribege ie. Banktiń Qazaqstannyń oblys ortalyqtarynda jáne iri qalalarynda 16 filialdarynan turatyn qyzmet kórsetýdiń biregei tarmaqtalǵan jelisi bar.
T.Rysqulov atyndaǵy QazEÝ-niń Qoǵammen bailanys jáne
ishki kommýnikatsiialar bólimi
