بايقاۋ جەڭىمپازدارىن ماراپاتتاۋ ءساتى[/caption]
«ForteBank» اق-ى ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىنىڭ دارىندى ستۋدەنتتەرى ءۇشىن ءبىلىم گرانتتارىن تاعايىنداۋ كونكۋرسىنىڭ جەڭىمپازدارىن انىقتادى.
كونكۋرس ەلىمىزدىڭ جەتەكشى ەكونوميكالىق جوعارعى وقۋ ورنى سانالاتىن ت.رىسقۇلوۆ اتىنداعى قازاق ەكونوميكالىق ۋنيۆەرسيتەتى «قارجى» ماماندىعىنىڭ 4 كۋرس ستۋدەنتتەرى ءۇشىن قىركۇيەك ايىندا جاريالانعان بولاتىن.
ۇمىتكەر ستۋدەنتتەردىڭ اكادەميالىق بىلىمدەرى، ۋاجدەمەسى جانە كوشباسشىلىق قابىلەتتەرىنىڭ بولۋى، شەت تىلدەرىن مەڭگەرۋى، سپورتتىق جەتىستىكتەرى جانە عىلىمي جانە قوعامدىق قىزمەتتەرىندەگى جەتىستىكتەرى كوميسسيا باعالاۋىنان وتكەن، سونداي-اق، بانك وكىلىمەن اۋىزشا سۇحباتتاسۋ جۇرگىزىلگەن كونكۋرستىڭ ەكى ساتىسىنىڭ قورىتىندىسى بويىنشا «ForteBank» اق-نىڭ باسشىلىعى قازەۋ-دىڭ ەكى ستۋدەنتى - جالعاس تويبازار جانە ەريك وگاندجانيانعا گرانتتار تاعايىنداۋ تۋرالى شەشىم قابىلدادى.
بۇل ستۋدەنتتەرگە 2014-2015 وقۋ جىلىنا وقۋ اقىسىن تولەۋ ءۇشىن اقشالاي قاراجات ءبولىندى. سونداي-اق، «Forte-گرانتىن» جەڭىپ العان ستۋدەنتتەرگە وندىرىستىك جانە/نەمەسە ديپلوم الدى ىس-تاجىريبەدەن ءوز قابىرعاسىندا وتۋىنە بانك كەپىلدىك بەرەدى. 2014 جىلدىڭ 25 تامىزىندا وتكەن ت.رىسقۇلوۆ اتىنداعى قازەۋ عىلىمي كەڭەسىنىڭ وتىرىسىندا ۋنيۆەرسيتەت رەكتورى، پروفەسسور س.ا. سۆياتوۆ «Forte-گرانتىنىڭ» جەڭىمپاز ستۋدەنتتەرىنە «ForteBank» اق-نىڭ باسقارما ءتوراعاسىنىڭ ورىنباسارى گ.بيسەمبييەۆانىڭ اتاۋلى حاتىن تابىستاپ، ۋنيۆەرسيتەت ۇجىمىنىڭ اتىنان قۇتتىقتاپ، الداعى ۋاقىتتا تابىستى وقۋدا جانە بيىك جەتىستىكتەرگە جەتۋلەرىنە تىلەك ءبىلدىردى.
دەرەك پەن دايەك
ت.رىسقۇلوۆ اتىنداعى قازاق ەكونوميكالىق ۋنيۆەرسيتەتى – ق ر بجعم ءبىلىم بەرۋ باعدارلامالارى رەيتىنگىسى اياسىندا باكالاۆريات ماماندىقتارىنىڭ رەيتىنگىسىندە-2014 «ەكونوميكا جانە بيزنەس» باعىتى بويىنشا كوشباسشى ورىنعا يە. ۋنيۆەرسيتەت جۇمىس بەرۋشى كومپانيالاردىڭ تۇلەكتەر قۇزىرەتتىلىگىن باعالاۋى بويىنشا قازاقستان جوو رەيتىنگىسىندە ەكىنشى ورىندى يەلەنىپ، بسقتقا رەيتىنگىسى بويىنشا گۋمانيتارلىق-ەكونوميكالىق جوو اراسىندا ۇزدىك ۇشتىگىنە كىرەدى، ءبىلىم بەرۋ باعدارلامالارىنىڭ ۇلتتىق جانە حالىقارالىق اككرەديتاسياسىن، ق ر جوو اسسوسياسياسىنىڭ ا.بايتۇرسىنوۆ اتىنداعى وردەنىن يەلەندى.
2007 جىلى قۇرىلعان ForteBank شجوب كومپانيالارىنا جانە كورپوراتيۆتى كليەنتتەرگە ءبىرىنشى ساناتتاعى قارجىلىق قىزمەتتەر ۇسىنادى. 2012 جىلى جۇرگىزىلگەن رەبرەندينگتەن كەيىن ول قازاقستاندىق بيزنەسكە نازار اۋدارىلعان دامۋ ستراتەگياسىنا وزگەرتتى. ForteBank كليەنتتەرمەن ارىپتەستىك پرينسيپىندە جۇمىس جاسايدى، ءوزىنىڭ ءاربىر كليەنتىنىڭ ەسىمىن، ونىڭ بيزنەسى مەن قاجەتتىلىكتەرىن بىلەدى. بانكتىڭ جوعارى بىلىكتى كومانداسى ءوز كليەنتتەرىنە دۇرىس ءونىم تاڭداۋعا جانە ولار ءۇشىن قارجى كەڭەسشىسى بولۋعا مۇمكىندىك بەرەتىن قازاقستاندىق، سول سياقتى شەتەل نارىعىندا جۇمىس ىستەۋدە مول تاجىريبەگە يە. بانكتىڭ قازاقستاننىڭ وبلىس ورتالىقتارىندا جانە ءىرى قالالارىندا 16 فيليالدارىنان تۇراتىن قىزمەت كورسەتۋدىڭ بىرەگەي تارماقتالعان جەلىسى بار.
ت.رىسقۇلوۆ اتىنداعى قازەۋ-نىڭ قوعاممەن بايلانىس جانە
ىشكى كوممۋنيكاسيالار ءبولىمى
