Qytaı eliniń "I am a singer" baıqaýynda baǵyn synap jatqan Dımash Qudaıbergenov qazaq halqynyń ánge degen talǵamyn ózgertti dese bolady. Osyǵan deıin jandy daýys pen fonogramny ajyrata almaı kele jatqan jurt endi emin-erkin ándi tańdap, talǵaı alatyn dárejege jetti. Árıne, shyn talanat erteli-kesh baǵalanady. Ánge degen talǵam ózgergesin, ánshige de kózqaras ózgeredi. "Myna ánshi tek fonogrammen ǵana aıta alady", "Al, mynaý tek toı ánderin ǵana oryndaıdy" dep synap-mineı bastady. Syn bolǵan jerde, ósý de, óshý bolady. Ánshilerge artylar júk aýyrlady. Olar jaılap jandy daýysta án aıtýǵa kóshe bastady. 

Jaqynda Shymkentte qyzyq jaǵdaı boldy. A.Baıtursynov kóshesiniń boıynda "Sirius" meıramhanasynyń ashylý saltanaty ótti. "Sirius" – qazirgi zamanǵa saı, sońǵy úlgidegi jıhazdarmen ásem jabdyqtalǵan. Sizge munda daıashylar joǵary deńgeıde qyzmet kórsetedi. Ándi apparattardan emes, jandy daýysta tyńdaı alasyz. Sebebi, munda Qazaqstanǵa tanymal ánshiler án aıtady. Mysaly, ashylý saltanatynda "Vokzalda qaýyshqan qyz", "Jaıaý" ánimen tyńdarmandyrynyń júregin jaýlap úlgergen Serik Ibragımov jáne Lýına syndy ánshiler kelgen qonaqtarǵa án aıtyp berdi. Bulbul daýysty Serik repertýaryndaǵy ánderin birinen soń birin quıqyljyta oryndap jatty. Bir kezde kezek "Jaıaý" ánine kelip jetti. Apparatta án qosylyp oınaı bastaǵanda, Serik ándi toqtatyp tastady. Ánshiniń bul qylyǵyna tań qalǵan qonaqtar meıramhana sahnasynda turǵan Serikke qarap qaldy. Sonda Serik qonaqtardan keshirim surap:

– Aıyp etpeńizder, fonogramm qosylyp ketti. Men sizderge tek jandy daýysta án shyrqap beremin, – dep kinásin jýyp-shaıyp, án aıtýdy jalǵastardy. Bálkim, fonogrammen talǵkamy joǵary qonaqtardy aldaǵysy kelmegen shyǵar. Bárinen buryn, onyń óz qateligin der kezinde túzeı bilgeni qýantty. Qonaqtar oǵan razy boldy.

Sol keshte "Sirius" meıramhanasynda kúmis kómeı ánshiniń ánderi kóńil saraıyn terbep turdy.

Derekkózi: rgmedia.kz