Fonogramma úshin keshirim suraǵan ánshi
Jaqynda Shymkentte qyzyq jaǵdai boldy. A.Baitursynov kóshesiniń boiynda "Sirius" meiramhanasynyń ashylý saltanaty ótti. "Sirius" – qazirgi zamanǵa sai, sońǵy úlgidegi jihazdarmen ásem jabdyqtalǵan. Sizge munda daiashylar joǵary deńgeide qyzmet kórsetedi. Ándi apparattardan emes, jandy daýysta tyńdai alasyz. Sebebi, munda Qazaqstanǵa tanymal ánshiler án aitady. Mysaly, ashylý saltanatynda "Vokzalda qaýyshqan qyz", "Jaiaý" ánimen tyńdarmandyrynyń júregin jaýlap úlgergen Serik Ibragimov jáne Lýina syndy ánshiler kelgen qonaqtarǵa án aityp berdi. Bulbul daýysty Serik repertýaryndaǵy ánderin birinen soń birin quiqyljyta oryndap jatty. Bir kezde kezek "Jaiaý" ánine kelip jetti. Apparatta án qosylyp oinai bastaǵanda, Serik ándi toqtatyp tastady. Ánshiniń bul qylyǵyna tań qalǵan qonaqtar meiramhana sahnasynda turǵan Serikke qarap qaldy. Sonda Serik qonaqtardan keshirim surap:
– Aiyp etpeńizder, fonogrammam qosylyp ketti. Men sizderge tek jandy daýysta án shyrqap beremin, – dep kinásin jýyp-shaiyp, án aitýdy jalǵastardy. Bálkim, fonogrammamen talǵkamy joǵary qonaqtardy aldaǵysy kelmegen shyǵar. Bárinen buryn, onyń óz qateligin der kezinde túzei bilgeni qýantty. Qonaqtar oǵan razy boldy.
Sol keshte "Sirius" meiramhanasynda kúmis kómei ánshiniń ánderi kóńil saraiyn terbep turdy.
Derekkózi: rgmedia.kz
