Almaty - Astana baǵytyndaǵy FlyArystan áýe kompaniiasynyń reisi elorda áýejaiyna birden qona almaǵan. Ushaq ekinshi ainalymǵa ketip, keiin sátti qonǵan. Alaida jolaýshylar bul jaǵdaidan qatty qoryqqanyn aitty, dep habarlaidy dalanews.kz.
Áýe kompaniiasynyń málimetinshe, ekipaj aýa raiy ózgerýine bailanysty ekinshi ainalymǵa ketý týraly sheshim qabyldaǵan. Qaita qonýǵa áreket jasaǵannan keiin ushaq Astana áýejaiyna esh qiyndyqsyz qonǵan.
FlyArystan ókilderi ushaqta eshqandai tehnikalyq aqaý bolmaǵanyn atap ótti. Kompaniianyń málimetinshe, ekinshi ainalymǵa ketý - azamattyq aviatsiiada qaýipsiz qoný talaptary saqtalmaǵan jaǵdaida qoldanylatyn qalypty rásim.
