Astanada jol qozǵalysy erejesin birneshe ret buzǵan fitnes-bloger Aitym Jaqypov ákimshilik jaýapkershilikke tartyldy, dep habarlaidy dalanews.kz.
Jýrnalist Ǵaziza Raiymbektiń jazýynsha, áleýmettik jelide taraǵan beinejazbada Mercedes kóligin basqarǵan júrgizýshi jol jiegimen qozǵalyp, qarsy baǵytqa shyǵyp, jol belgilerin elemei, burylys shamdaryn qospastan birneshe ret baǵyt aýystyrǵany kórinedi.
Beinejazba jariialanǵannan keiin politsiia qyzmetkerleri júrgizýshiniń jeke basyn anyqtap, 34 jastaǵy blogerdi ákimshilik jaýapkershilikke tartqan.
Aitym Jaqypov óz kinásin moiyndap, kópshilikten keshirim suraǵan. Onyń aitýynsha, sol sátte qatty asyqqan jáne áreketimen ózge jol qozǵalysyna qatysýshylarǵa qolaisyzdyq týdyrsa, oǵan ókinish bildiretinin aitqan.
