FIFA prezidenti Djanni Infantino qyzmetinen ketý qaýpine bailanysty AQSh prezidenti Donald Tramptan saiasi qoldaý surap júrgeni týraly New York Post basylymy jazdy, dep habarlaidy dalanews.kz.
Basylymnyń málimetinshe, Infantinonyń mansaby fýtboldan álem chempionattaryn ótkizý quqyǵyn jeke kompaniiaǵa berý bastamasy sátsiz aiaqtalǵannan keiin qaterge ushyraǵan. Bul usynys FIFA quramyndaǵy ulttyq fýtbol qaýymdastyqtarynyń, ásirese ÝEFA-nyń, qatań qarsylyǵyna tap bolyp, nátijesinde uiym bul jospardan bas tartýǵa májbúr bolǵan.
Alaida ÝEFA endi Djanni Infantinonyń FIFA prezidenti qyzmetinen óz erkimen ketýin talap etip otyr. Eger ol otstavkaǵa ketpese, uiym oǵan senimsizdik votýmyn jariialaý máselesin kóteretinin eskertken.
New York Post aqparatyna sáikes, Infantino AQSh-tyń memlekettik hatshysy Marko Rýbioǵa habarlasyp, Donald Tramppen kezdesý uiymdastyrýǵa kómektesýdi suraǵan. Sondai-aq basylym FIFA basshysy Tramppen tikelei bailanysýǵa da áreket jasaǵanyn, biraq AQSh prezidenti oǵan jaýap bermegenin jazdy.
