Facebook kompanıasy ataýyn Meta dep ózgertti dep habarlady negizin qalaýshy Mark Sýkerberg. Biraq áleýmettik jeli ataýy sol kúıinde qalady, – dep habarlaıdy Dalanews.kz.

– Adamdardy biriktirý – bizdiń basty mısıamyz bolyp qala beredi. Jeliniń brendi ózgertilmeıdi. Jańa ataý bizdiń júrip ótken jolymyzdan habar beredi. Endi biz tek ǵana Facebook bolǵymyz kelmeıdi. Men kompanıany metaǵalamshardy ázirleýshi retinde kórgim keledi, – dep túsindirdi Sýkerberg.

«Metaǵalamshardyń» maqsaty – vırtýaldy álemde adamdardy biriktirip, olar aralasý úshin bar múmkindik jasaý, delingen Meta saıtynda.

Kompanıǵa Facebook jelisinen basqa WhatsApp, Instagram, Oculus jáne basqa da servıster men qosymshalar tıesili.

Kompanıanyń burynǵy qyzmetkeri Frensıs Haýgen ataýdy ózgertýge Facebook jelisinde qoldanýshylar jaıly málimetterdiń ashyq tarap ketýi sebep boldy deıdi. Onyń sózinshe, Facebook qoldanýshylar múddesinen buryn óziniń tabysyn bıik qoıyp otyr.

2015 jyly Google ınternet-gıganty da kompanıa ataýyn Alphabet dep ózgertti. Biraq ónimderiniń ataýy sol kúıi qalǵan.