– ادامداردى بىرىكتىرۋ – ءبىزدىڭ باستى ميسسيامىز بولىپ قالا بەرەدى. جەلىنىڭ برەندى وزگەرتىلمەيدى. جاڭا اتاۋ ءبىزدىڭ ءجۇرىپ وتكەن جولىمىزدان حابار بەرەدى. ەندى ءبىز تەك عانا Facebook بولعىمىز كەلمەيدى. مەن كومپانيانى مەتاعالامشاردى ازىرلەۋشى رەتىندە كورگىم كەلەدى، – دەپ ءتۇسىندىردى سۋكەربەرگ.
«مەتاعالامشاردىڭ» ماقساتى – ۆيرتۋالدى الەمدە ادامداردى بىرىكتىرىپ، ولار ارالاسۋ ءۇشىن بار مۇمكىندىك جاساۋ، دەلىنگەن Meta سايتىندا.
كومپانيعا Facebook جەلىسىنەن باسقا WhatsApp، Instagram، Oculus جانە باسقا دا سەرۆيستەر مەن قوسىمشالار تيەسىلى.
كومپانيانىڭ بۇرىنعى قىزمەتكەرى فرەنسيس حاۋگەن اتاۋدى وزگەرتۋگە Facebook جەلىسىندە قولدانۋشىلار جايلى مالىمەتتەردىڭ اشىق تاراپ كەتۋى سەبەپ بولدى دەيدى. ونىڭ سوزىنشە، Facebook قولدانۋشىلار مۇددەسىنەن بۇرىن ءوزىنىڭ تابىسىن بيىك قويىپ وتىر.
2015 جىلى Google ينتەرنەت-گيگانتى دا كومپانيا اتاۋىن Alphabet دەپ وزگەرتتى. ءبىراق ونىمدەرىنىڭ اتاۋى سول كۇيى قالعان.
