Almatydaǵy eń záýlim «Rıts Karlton» qonaq úıiniń 30-shy qabatynda «Eır Astana» áýe kompanıasy qazaq jýrnalıserimen kezdesip aldaǵy jyldaǵy josparlarymen bólisti.
Atap aıtsaq, áýe kompanıasynyń buqaramen baılanys jónindegi menejeri Tilek Ábdirahymov kompanıanyń bıylǵy jylǵy atqarǵan jumystaryna toqtalyp ótti. Onyń aıtýynsha, ázirgi kúni «Eır Astananyń» qaramaǵyndaǵy ushaqtardyń barlyǵy sońǵy úlgidegi ushaqtar, olardyń ortasha jasy 5,3 jyldy quraıdy.
Aıta ketelik, jaqynda ǵana otandyq áýe kompanıasy AirTransportWorld basylymynyń «Avıasıa naryǵynyń kóshbasshysy 2015» júldesin jeńip alǵan bolatyn. Al bul baıqaý boıynsha áýe tasymaldaýshylardyń jumys sapasy halyqaralyq úlgidegi qaýipsizdigi jáne borttaǵy minsiz qyzmetine qaraı baǵalanǵan.
Tilek Ábdirahymov aıtyp ótkendeı, «Eır Astana» nebári 3 jyldyń ishinde 21 jańa ushaqpen tolyqqan jáne 19 jańa baǵytpen jańartylypty. «Bul óz kezeginde kompanıany Eýrazıa qurlyǵyndaǵy iri áýe tasymaldaýshynyń birine aınaldyryp otyr. Azıany betke alǵan TMD jolaýshylarynyń 60 paıyzyna kompanıanyń ońtaılandyrǵan baǵyttary oń septigin tıgizdi. Osynyń nátıjesinde tranzıttik jolaýshylar sany 2010 jyldaǵy 10 myń adamnan 2014 jylǵy 200 myńǵa adamǵa jetti» dedi ol óz kózinde. Al atalǵan basylymnyń júldesin budan buryn EtihadAirways,TurkishAirlines jáne KLM syndy álemniń úzdik áýe tasymaldaýshylary ıelengen bolatyn
«Rıts Karlton» qonaq úıiniń 30-shy qabatynda ótken osynaý is sharanyń aıasynda túrli baıqaýlar uıymdastyrylyp, aqparat quraldary jańa jyl qarsańynda áýe kompanıasynyń syılyqtaryna ıe boldy. Uıymdastyrýshylar Bella Tormysheva, Tilek Ábdirahymov jáne áýe kompanıasynyń áleýmettik jobalar jónindegi úılestirýshisi Sáýle Serǵazy jýrnalıserdi jańa jylmen quttyqtap, bizdermen jumys isteýge árdaıym ázir ekendigin aıtty.
Dýman BYQAI
Sýretti túsirgen, Jeńis YSQABAI
