Eýropadaǵy aptap ystyq pen uzaqqa sozylǵan qurǵaqshylyq qurlyqtaǵy iri ózenderdiń sý deńgeiin kúrt tómendetip jatyr. Bul týraly Bloomberg agenttigi habarlady, dep habarlaidy dalanews.kz.
Eýropanyń eń iri ózenderiniń qataryndaǵy Rein, Dýnai jáne Po ózenderi aitarlyqtai tartylǵan. Sonyń saldarynan keme qatynasy qiyndap, júk tasymalynyń quny ósip, ónerkásip pen energetika salasyna qosymsha salmaq túsýde.
Sý deńgeiiniń tómendeýi Frantsiia, Vengriia jáne Rýmyniiadaǵy atom elektr stantsiialarynyń jumysyna da áser etip otyr. Nátijesinde bul elder elektr energiiasynyń importyn arttyrýǵa májbúr bolǵan.
Sarapshylardyń pikirinshe, klimattyń ózgerýi mundai ekstremaldy qurǵaqshylyqtyń jiileýine sebep bolyp otyr. Eger infraqurylym jańa klimattyq jaǵdailarǵa beiimdelmese, Eýropa ekonomikasy aldaǵy jyldary budan da úlken shyǵynǵa ushyraýy múmkin.
