Aldaǵy ýaqytta Batys elderindegi demokratiiany alǵa taryp, biligin synaityndar bulai áńgime aitardyń aldynda on oilanyp, toǵyz tolǵanary anyq.
Taiaýda EýroOdaqqa múshe elderdiń Syrtqy ister ministrleri bosqyndardy qabyldaýǵa qatysty jańa qujatty ózara maquldap, bekitti.
Jańa qujatqa sáikes endi bosqyndar kári qurlyqtaǵy kóńili túsken eline birden "qudaiy qonaq" bolyp bara almaidy. Olar eń aldymen EýroOdaqtyń shekarasyna at shaldyryp, odaqtyń tiisti organdaryna óziniń shynymende bosqyn ekenin, saiasi qýǵyn kórgenin rastaýy tiis. Osy ýaqyt aralyǵynda olar EO-nyń shekarasyndaǵy arnaiy lagerlerde turaqtaidy.
Búginde ózderin bosqyn, saiasi zábir-japa kórgen sanap, járdem surap barǵandardyń 20 paiyzy Eýropa elderin de turaqtap qalýdy kózdeidi eken.
Eger EýroOdaqqa bosqyn ekenińizdi dáleldei almasańyz, migratsiia qyzmeti kelgen izińizben keri deportattsiia jasaidy.
Aitpaqshy, Briýssel mundai talapty aldymen demokratiiasy birshama damyǵan Marokko, Týnis, Aljir, Túrkiia, Bosniia, Gertsegovina, Serbiia, Moldova, Grýziia syndy elderdiń azamattaryna qarsy qoldanbaq.
Óitkeni atalǵan elderde bilikke qarsy kelip, Eýropaǵa bas saýǵalaityndai "aqyrzaman" ornamaǵany anyq. Aldaǵy ýaqytta EO jurtty saiasi belsendiligi úshin sońyna it qosyp qýmaityn elderdiń tizimin áli tolyqtyra túsýi múmkin.
Al EO sheńberinde mundai talaptyń qabyldanýyna Germaniia, Polsha jáne Vengriia muryndyq bolǵanyn aita ketýimiz kerek. Óitkeni atalǵan elder migranttardan qatty japa shekken el retinde tanymal.
