Eýropalyq komissiia Ýkrainaǵa 4 mlrd eýro kólemindegi kezekti nesie transhyn bólý týraly sheshim qabyldady. Qarjy EO aýmaǵyndaǵy Reseidiń buǵattalǵan memlekettik aktivterinen alynbaq, dep habarlaidy Dalanews.kz.
Bul – erekshe nesie baǵdarlamasy aiasynda bólingen toǵyzynshy transh. Soǵys bastalǵaly EýroOdaq Ýkrainanyń eń iri demeýshisine ainalǵan. Búginde Ýkraina biýdjetiniń 40 paiyzdan astamy shetelden kelgen qarjylai kómekpen qalyptasady.
Qarjy bólý protsesi bastalyp ketti: 3 mlrd eýro bastapqy transh retinde qarastyrylsa, taǵy 1 mlrd jýyq arada beriledi. Bul qarajat Ýkrainaǵa áleýmettik jáne ekonomikalyq qajettilikterdi óteýge, sonymen birge qorǵanys salasyn qarjylandyrýǵa jumsalady. Onyń ishinde 2 mlrd eýro drondar satyp alýǵa baǵyttalmaq.
