«Jasyl» energetıka men «jasyl» sýtegige kóshý, ınfraqurylymdy damytý, mańyzdy shıkizat resýrstary men kólik dálizderi máselelerine arnalǵan sharany Eýropalyq komısıa prezıdenti Ýrsýla fon der Láıen ashty.
Sapar barysynda qazaqstandyq delegasıa sırek kezdesetin metaldar máselesine arnalǵan paneldi sesıaǵa qatysyp, taraptarmen ortaq seriktestik máselesin talqylady. Sondaı-aq, Iran Sharhanuly men Erlan Ǵalıev eýropalyq uıymdardyń basshylarymen birqatar ekijaqty kezdesýler ótkizdi.
«Atalǵan forým aıasyndaǵy – sırek kezdesetin metaldardy damytý taqyrybyna arnalǵan sesıa mańyzdy máselelerdiń biri boldy. Sesıa barysynda eýropalyq áriptesterimizge shıkizat resýrsyna qatysty Qazaqstan áleýetin tanystyrdyq. Kezdesýlerde Qazaqstan men Eýropalyq Odaq arasynda shıkizat resýrstary, logıstıka salasyndaǵy yntymaqtastyqty ári qaraı damytý máseleleri talqylandy»,-dedi vıse-mınıstr Iran Sharhanuly.
Forým barysynda Global Gateway baǵdarlamasy aıasynda iske qosylǵan alǵashqy 89 flagmandyq jobany júzege asyrý bastaldy. «Global Gateway» uıymdastyrýshysy Eýropa Odaǵy.
Aıta keteıik, «Global Gateway» forýmy EO jáne seriktes elderden 40-tan astam joǵary laýazymdy úkimet ókilderi, qarjy ınstıtýttary, sonyń ishinde Eýropalyq ınvestısıalyq bank jáne Eýropalyq qaıta qurý jáne damý banki, jeke sektordyń, azamattyq qoǵam ókilderiniń basyn qosqan jıyn.
