Euronews jýrnalisteri 24 saǵattyq ereýil jariialady. Olar telearna basshylyǵy japqysy nemese qysqartqysy kelgen ýkrain, parsy jáne arab qyzmetterine osylaisha qoldaý bildirdi.
Ereýil 15 jeltoqsanda túnde bastaldy. Jýrnalister, olardy qoldaǵan tehnikalyq qyzmet bul kúni jańalyqtar daiyndamaidy. Korporatsiia qyzmetkerleri basshylyqtyń qarjy tapshylyǵyna bailanysty kelesi jyldyń sáýirinde ýkrain redaktsiiasyn qysqartý týraly josparyna qarsy.
5 jeltoqsanda Euronews jýrnalisteri telearna tarihynda birinshi ret ereýil ótkizdi. Sol kezde olar basshylyqty tsenzýra men aqparatty burmalap taratty dep aiyptady.
2015 jyldyń aqpanynan bastap Euronews aktsiiasynyń jarymy egipettik milliarder Nagib Saviristyń baqylaýyna ótti. Kásipker ony Egipetke Resei prezidenti Vladimir Pýtin kelip ketkennen keiin satyp aldy. Sol sebepti jýrnalister redaktsiia saiasaty men telearnanyń táýelsizdigine qatysty qaýipterin jasyrmai aita bastady. Qazirgi tańda Euronews aktsiialarynyń eleýli bóligin amerikalyq NBC News korporatsiiasyna satý týraly kelissózder júrip jatyr.
