Kórmege TMD, Eýropa, Azıa elderiniń baspalary, kitap saýdasy uıymdary, polıgrafıalyq kompanıalar men mádenı jáne oqý ortalyqtary qatysady.
«Astana EKSPO-2017» halyqaralyq mamandandyrylǵan kórmesi de qatar ótetindikten sheteldik áriptester tarapynan kitap kórmesine degen qyzyǵýshylyq pen suranys kúnnen-kúnge artyp keledi. Atalǵan iri sharaǵa 120-ǵa jýyq halyqaralyq uıym men álemniń 20-dan asa eli qatysady dep josparlanýda.
Kórmeniń mádenı jáne iskerlik baǵdarlamasynda ár túrli sharalar: ǵylymı-tájirıbelik konferensıalar, tusaýkeserler, dóńgelek ústelder, mádenıet, ǵylym jáne bilim salasyndaǵy tanymal qaıratkerlermen kezdesýler, forýmdar men konkýrstar josparlanǵan. Q.Salǵarauly, M.Joldasbekov, ıspan aqyny H.H. Padron, S.Rahmetuly, Q.Muhambetqalı, D. Kápuly jáne t.b. otandyq jáne sheteldik jazýshylar kitaptarynyń tusaýkeseri ótedi.
