Kezdesý barysynda Memleket Basshysy Q.Toqaevtyń elimizdegi etnomedıasıa ınstıtýtyn damytý jónindegi tapsyrmalaryn iske asyrý máseleleri talqylandy.
– Medıasıanyń damýy, ıaǵnı, daýly jáne janjaldy jaǵdaılardy sheshý barysynda azamattardyń ymyraǵa kelýge daıyndyǵy qoǵamdyq sanany jańǵyrtýdyń mańyzdy belgileriniń biri bolyp tabylady, – dep atap ótti Marat Ázilhanov.
Onyń aıtýynsha, qazirgi ýaqytta kún tártibinde etnomedıatorlardy daıyndaý júıesin qurý jáne qyzmettik mindetterine baılanysty osy salada jumys isteıtin adamdardy tıisti daǵdylarǵa úıretý mindeti tur.
M.Ázilhanov bul baǵytta naqty jumystar júrgizilip, oqý baǵdarlamasy ázirlenip, alǵashqy pılottyq kýrs ótkizilgenin atap ótti.
Keńestiń negizgi máseleleriniń biri Etnomedıtasıa oqý ortalyǵyn qurý, etnomedıasıa kýrstaryn jáne etnosaralyq qatynastar salasyndaǵy kásibı kelissóz júrgizýshilerdiń oqýyn uıymdastyrý boldy.
Osy turǵyda qoıylǵan mindetterdi sapaly jáne keshendi iske asyrýdyń negizgi tásilderin ázirleý qajettiligi talqylandy. Sondaı-aq, óńirlerde Dostyq úıleri men medıasıa kabınetteri bazasynda halyq úshin toqsan saıynǵy ashyq esik kúnderin ótkizý qajettiligi naqtylandy.
