Dalanews tilshisi muny saiasattanýshy Daniiar Áshimbaevtan surap bildi.
«Estitin úkimet» qaǵidasy tolyq júzege asqanda ǵana Jańa Qazaqstandy qurdyq dep senimmen aita alamyz. Alaida árbir talapty shegi men shekarasy bar. Toqaev osy kontseptsiiany jariia etkeli, keibir azamattardyń tarapynan aqylǵa syimaityn orynsyz usynystar aitylyp jatqany da jasyryn emes. «Halyq sózine qulaq asatyn úkimet» qaǵidasy tutastai alǵanda óz nátijesi berdi.
Otyz jylda joǵalyp ketken dialog qaita ornady. Bul dialog el ishindegi keibir qisyq-qyńyr kózqarastaǵy toptarǵa unamaýy múmkin, áitkenmen bir kezdegi halyqpen muryn shúiirip sóilesetin shendilerdiń dáýiri kelmeske ketti deýge negiz bar», – deidi sarapshy.
Onyń atap ótkenindei «Estitin úkimeti» qaǵidasy Smaiylov úkimetin ornynan qozǵap, ministrlerdiń halyqpen jumysqa qatysty kózqarasyn ózgertken.
«Osy kúnge deiin ministrler men ákim-qaralardyń jyly kabinetten shyǵyp, el aralaǵanyn sirek kórýshi edik. Jurtpen júzdesken kúnniń ózinde kezdesý aldyn-ala ázirlengen stsenarii boiynsha ótetin.
Toqaev osy «dástúrdi» buzdy.
Ministrler súrinip-jyǵylyp, jatpai-turmai óńirlerdi aralap júr. Al aimaq basshylar, ákimder oblysqa qarasy aýdan turǵyndarmen júzdesip, olardyń aryz-shaǵymdaryn tyńdaýda», – deidi Daniiar Áshimbaev.
«Estitin el» qaǵidasyn tolyq taldap shyqqan saiasattanýshynyń pikirinshe, prezident Toqaev mundai kezdesýlerdiń monolog emes, dialog negizinde ótýin talap etedi.
«Toqaev tusyndaǵy memapparat halyqqa aqyl úiretýden qashýy tiis, kerisinshe eldiń pikirine qulaq asyp, durys dialog órbitýi qajet. Prezident shendi-shekpendilerge osyndai mindet qoiyp otyr. Bul talapqa sai kelmeitin, Memleket basshysynyń tapsyrmasyn oidaǵydai oryndai almaǵan sheneýnikter birtindep ornyn bosatýda. Bul úrdis biraz ýaqytqa jalǵasady. Osylaisha ýaqyt óte kele qoǵamnyń talap-tilegin eskeretin, eldiń ýájine qulaq asatyn Úkimet qalyptasady», – deidi Áshimbaev.
Sarapshynyń paiymdaǵanyndai bul úrdisten depýtattar da qalys qalmaýy tiis. Parlamenttik sailaýda Májilisti elmen enjar sóilesetin, «eski Qazaqstannan» kele jatqan eski-qusqy kadrlardan tazartý qajet.
«Prezidenttiń «halyq sózine qulaq asatyn úkimet» kontseptsiiasy halyq qalaýlylaryn da ainalyp ótpeýi kerek. Táýelsiz depýtattardyń shoǵyryn qalyptastyrar bolsaq, olar «estitin úkimet» kontseptsiiasyn ilip áketin, órisin keńeiter edi», – deidi saiasattanýshy.
