2022 jylǵy qańtar-qyrkúiekte Qazaqstan men Estoniia arasyndaǵy taýar ainalymy 69,3 mln dollardy qurady, bul ótken jyldyń sáikes kezeńimen salystyrǵanda 5 ese kóp. 2022 jyldyń 9 aiynda Almaty qalasynyń negizgi kapitalyna salynǵan investitsiialar kólemi 974,4 mlrd teńgeni qurady.
Osy kezeńdegi negizgi investitsiialar jyljymaityn múlikpen operatsiialar, kólik jáne qoimalaý, ónerkásip, qarjy jáne saqtandyrý qyzmeti, sondai-aq bilim berý siiaqty salalarǵa tiesili bolǵanyn Almaty qalasy Kásipkerlik jáne investitsiialar basqarmasynyń syrtqy ekonomikalyq qyzmet bóliminiń mamany habarlady.
Sarapshy Aqerkin Eralieva eki eldiń tyǵyz ekonomikalyq qarym-qatynasyn atap ótti.
«Biyl Qazaqstan men Estoniia mańyzdy oqiǵa – diplomatiialyq qatynastar ornaǵan kúnnen bastap 30 jyldyq mereitoidy atap ótýde. Ekijaqty qatynastardyń dáiekti damýy yntymaqtastyqqa degen ózara qyzyǵýshylyqtyń ósýin kórsetedi: barlyq deńgeilerde turaqty saiasi dialog saqtalady, delegatsiialarmen almasý júzege asyrylady, sharttyq-quqyqtyq bazanyń berik negizi quryldy. Qazaqstan-Estoniia qatynastarynyń deńgeii olardyń ósip kele jatqan áleýeti men yntymaqtastyqtyń berik bazasyn aiǵaqtaidy», – dedi Aqerkin Eralieva.
Búgingi tańda Almaty qalasynda 23 estoniialyq kásiporyn tirkelgen, onyń 12-si jumys istep tur.
Almaty qalasy kásipkerler palatasynyń direktory Aitýar Qoshmambetovtiń aitýynsha, Almatyda elimizdiń syrtqy saýdasynyń 1/5 bóligi qalyptasady.
Estoniia Respýblikasynyń Ortalyq Aziia elderindegi elshisi Toomas Tirs Estoniia tarapynyń saýda qatynastaryn jolǵa qoiýǵa úlken qyzyǵýshylyǵyn atap ótti:
«Bizdiń delegatsiia Qazaqstanda eleýli seriktester tapqanyna óte qýanyshtymyn. Bizdi eksport pen import qyzyqtyrady. Qazir geosaiasi qaqtyǵystarǵa bailanysty logistika qiyn, biraq bul elderimizdiń taýar ainalymyna aitarlyqtai áser etken joq. Týyndaǵan máselelerdiń sheshimin tabýǵa bolady. Bizdiń delegatsiia quramynda temirjol qyzmetinen bastap menedjmentke deiingi ekonomikanyń túrli salalarynyń ókilderi bar», – dep atap ótti elshi.
Almatyda arnaiy indýstriialyq aimaq jumys isteidi, onyń jalpy aýdany 490 ga, onda investitsiialyq jobalardy iske asyrýǵa 229,4 ga bólingen. AEA qatysýshylary úshin salyq salý, kedendik jáne jerdi retteý bóliginde arnaiy rejim, sondai-aq sheteldik jumys kúshin jaldaýdyń ońailatylǵan tártibi qoldanylady.
«Qazirgi kezde indýstriialyq aimaqta otandyq jáne sheteldik qatysýy bar jalpy somasy 280 mlrd teńgege 70-ten astam joba iske asyrylyp jatyr», – dedi «Almaty indýstriialyq aimaǵy» JShS» direktorynyń orynbasary Arslan Abdamit.
Kezdesý barysynda Qazaqstanda biznes qurý, sondai-aq local AML laws and regulations jáne «Doing Business IN KAZAKHSTAN 2022» baiandamalary tyńdaldy. Ekijaqty ózara tiimdi yntymaqtastyqty ornatý úshin eki eldiń biznes ókilderi arasynda B2B kelissózderi júrgizildi.
