Espaeva: "Ekinshi orynnan úmitti edim"
"Bul endi aldyn-ala kórsetkishter ǵoi. Óz basym kóńilim toq, sailaý nátijesi qalai aiaqtalsa da jeńilgem joq, jeńiske jettim. Qalyptasqan qaǵidany buzdyq. Áiel adamnyń saiasi sahnaǵa shyǵyp, sailaý dodasynda úshinshi oryn alýy bizdiń elde buryn-sońdy bolmaǵan. Jeńdim, jeńilmedim degenim de sondyqtan".
Espaev bul jolǵy sailaý ádil ótti dep esepteidi.
"Zańdy qurmetteitin adammyn óz basym. Barlyǵy zań aiasynda bolýy kerek dep esepteimin. Dál qazir sailaý nátijeleri burmalandy dep aita almaimyn. Bizdiń partiia baqylaýshylary kishigirim zańbuzýshylyqtardy baiqapty. Búgingi sailaýdyń kórsetkishine qaraǵanda óreskel zańbuzýshylyqtarmen tirkelmegen, bári ornymen, jónimen ótken. Óz basym ekinshi orynnan úmitti edim..., – deidi Espaeva.
"Iá, men jeńdim. Bul meniń kezekti jeńisim. Osy sailaýdyń nátijesinde burynǵydan da saýatty, bilimdi bola tústim. Úlken mektepten óttim osy sailaýǵa túsip. Óńirlerdi aralap erteń depýtattyq qyzmette qajetime jaraityn material jinap qaittym. Olardy mindetti túrde paidalanyp, ortaq talqyǵa usynamyn", – dedi Espaeva.
Ekzit-poll nátijesinde Espaeva 5,32 paiyz daýys jinap, úshinshi oryn aldy. 70,13 paiyz daýys jinaǵan Toqaev bul sailaýda top jarsa, onyń negizgi qarsylasy Qosanov 15,39 paiyz daýyspen ekinshi orynda keldi.
