"بۇل ەندى الدىن-الا كورسەتكىشتەر عوي. ءوز باسىم كوڭىلىم توق، سايلاۋ ناتيجەسى قالاي اياقتالسا دا جەڭىلگەم جوق، جەڭىسكە جەتتىم. قالىپتاسقان قاعيدانى بۇزدىق. ايەل ادامنىڭ ساياسي ساحناعا شىعىپ، سايلاۋ دوداسىندا ءۇشىنشى ورىن الۋى ءبىزدىڭ ەلدە بۇرىن-سوڭدى بولماعان. جەڭدىم، جەڭىلمەدىم دەگەنىم دە سوندىقتان".
ەسپايەۆ بۇل جولعى سايلاۋ ءادىل ءوتتى دەپ ەسەپتەيدى.
"زاڭدى قۇرمەتتەيتىن اداممىن ءوز باسىم. بارلىعى زاڭ اياسىندا بولۋى كەرەك دەپ ەسەپتەيمىن. ءدال ءقازىر سايلاۋ ناتيجەلەرى بۇرمالاندى دەپ ايتا المايمىن. ءبىزدىڭ پارتيا باقىلاۋشىلارى كىشىگىرىم زاڭبۇزۋشىلىقتاردى بايقاپتى. بۇگىنگى سايلاۋدىڭ كورسەتكىشىنە قاراعاندا ورەسكەل زاڭبۇزۋشىلىقتارمەن تىركەلمەگەن، ءبارى ورنىمەن، جونىمەن وتكەن. ءوز باسىم ەكىنشى ورىننان ءۇمىتتى ەدىم...، – دەيدى ەسپايەۆا.
"ءيا، مەن جەڭدىم. بۇل مەنىڭ كەزەكتى جەڭىسىم. وسى سايلاۋدىڭ ناتيجەسىندە بۇرىنعىدان دا ساۋاتتى، ءبىلىمدى بولا ءتۇستىم. ۇلكەن مەكتەپتەن ءوتتىم وسى سايلاۋعا ءتۇسىپ. وڭىرلەردى ارالاپ ەرتەڭ دەپۋتاتتىق قىزمەتتە قاجەتىمە جارايتىن ماتەريال جيناپ قايتتىم. ولاردى مىندەتتى تۇردە پايدالانىپ، ورتاق تالقىعا ۇسىنامىن"، – دەدى ەسپايەۆا.
ەكزيت-پولل ناتيجەسىندە ەسپايەۆا 5،32 پايىز داۋىس جيناپ، ءۇشىنشى ورىن الدى. 70،13 پايىز داۋىس جيناعان توقايەۆ بۇل سايلاۋدا توپ جارسا، ونىڭ نەگىزگى قارسىلاسى قوسانوۆ 15،39 پايىز داۋىسپەن ەكىنشى ورىندا كەلدى.
