Pavlodarda daýyl soǵyp, Lenınniń 100 jyl turǵan eskertkishi qulady, - dep habarlaıdy Dalanews.kz. 

Oqıǵa 8 qarashaǵa qaraǵan túni bolǵan. Qatty jel aǵashty qulatqan, al ol Lenın eskertkishine túsken.

"Daýyl saldarynan Lenın eskertkishine aǵash qulady. Tuǵyrynan qulaǵan músin bólinip qaldy, qalpyna keltirýge kelmeıdi", - dep túsindirdi Pavlodar ákimdigi ókili.

Lenınge arnalǵan bul eskertkish 1928 jyly shildede ashyldy.

Skver Astana - Tolstoı kósheleri qıylysynda ornalasqan, qaladaǵy eń kóne kóshelerdiń biri sanalady. Tuǵyr men músin sońǵy ret 2022 jyly kúzde pavlodarlyqtardyń aqshasyna jóndeldi.

Aıta keteıik, keıingi birneshe kún boıy Pavlodarda aýa raıy buzyldy. Saldarynan aǵashtar qulap, kólikterdi zaqymdady. Tipti keshe bir zeınetker mert boldy.

"1957 jyly týǵan áıel zardap shekti. Ókinishke qaraı, zardap shekken adam alǵan jaraqattarynan qaıtys boldy: eki baltyrdyń, keýde qýysynyń, jambas súıekteriniń, omyrtqanyń synýy, ishki músheleriniń jaraqattary, 3-4-dárejeli travmatıkalyq shok", - dep habarlady buǵan deıin Pavlodar oblystyq jedel medısınalyq járdem stansıasynyń baspasóz qyzmeti.