Májilis depýtaty Baqytjan Bazarbek Almaty mańyndaǵy tabiǵatty qorǵaý aimaqtaryna túgendeý júrgizýdi jáne olardy paidalaný máselelerinde qatań tártip ornatýdy surady, - dep habarlaidy Dalanews.kz.
Ol daý týdyryp otyrǵan birneshe aimaqty aitty. Mysaly almatynyń Bostandyq aýdanynda ornalasqan 30 gektar jer ýchaskesi zań boiynsha ózenniń sý qorǵaý beldeýine jatady.
Biraq 2004 jyly 17 maýsymda Qarasai aýdanynyń ákimdiginiń qaýlysymen tanymal general Novikovke ótip, keiin ýchaske zańsyz mámileler arqyly Halyk Bank qurylymdarynyń menshigine ótip ketken.
Biraq aýdan ákimdiginiń ielikten shyǵarý týraly qaýlysy zańsyz dep tanyldy. Iaǵni, depýtat Baqytjan Bazarbektiń sózinshe, ýchaske memlekettik menshikke qaitarylýy kerek edi, biraq is júzinde ol áli kúnge deiin bank qurylymdaryna tiesili.
"Jer ýchaskesi Timýr Qulybaevpen úlestes adamdardyń qolynda. Muny qalai túsinýge bolady? Sonda "eski Qazaqstannyń" oligarhtary sottyń zańdy sheshimin oryndaýdan bas tartyp, baiaǵydai júr ǵoi", - deidi Bazarbek Májilis otyrysynda.
