ءماجىلىس دەپۋتاتى باقىتجان بازاربەك الماتى ماڭىنداعى تابيعاتتى قورعاۋ ايماقتارىنا تۇگەندەۋ جۇرگىزۋدى جانە ولاردى پايدالانۋ ماسەلەلەرىندە قاتاڭ ءتارتىپ ورناتۋدى سۇرادى، - دەپ حابارلايدى Dalanews.kz.
ول داۋ تۋدىرىپ وتىرعان بىرنەشە ايماقتى ايتتى. مىسالى الماتىنىڭ بوستاندىق اۋدانىندا ورنالاسقان 30 گەكتار جەر ۋچاسكەسى زاڭ بويىنشا وزەننىڭ سۋ قورعاۋ بەلدەۋىنە جاتادى.
ءبىراق 2004 جىلى 17 ماۋسىمدا قاراساي اۋدانىنىڭ اكىمدىگىنىڭ قاۋلىسىمەن تانىمال گەنەرال نوۆيكوۆكە ءوتىپ، كەيىن ۋچاسكە زاڭسىز مامىلەلەر ارقىلى Halyk Bank قۇرىلىمدارىنىڭ مەنشىگىنە ءوتىپ كەتكەن.
ءبىراق اۋدان اكىمدىگىنىڭ يەلىكتەن شىعارۋ تۋرالى قاۋلىسى زاڭسىز دەپ تانىلدى. ياعني، دەپۋتات باقىتجان بازاربەكتىڭ سوزىنشە، ۋچاسكە مەملەكەتتىك مەنشىككە قايتارىلۋى كەرەك ەدى، ءبىراق ءىس جۇزىندە ول ءالى كۇنگە دەيىن بانك قۇرىلىمدارىنا تيەسىلى.
"جەر ۋچاسكەسى تيمۋر قۇلىبايەۆپەن ۇلەستەس ادامداردىڭ قولىندا. مۇنى قالاي تۇسىنۋگە بولادى؟ سوندا "ەسكى قازاقستاننىڭ" وليگارحتارى سوتتىڭ زاڭدى شەشىمىن ورىنداۋدان باس تارتىپ، باياعىداي ءجۇر عوي"، - دەيدى بازاربەك ءماجىلىس وتىرىسىندا.
