Qazaqstannyń eks-prezidenti Nursultan Nazarbaevtyń inisi, Ulttyq qaýipsizdik komiteti (UQK) tóraǵasynyń burynǵy birinshi orynbasary Samat Ábishtiń shartty túrde sottalǵany Eski Qazaqstannyń eshqaida ketpegenin kórsetedi.
Bul Májilis depýtaty Ermurat Bapidyń paiymy, dep habarlaidy Dalanews.kz
«Onyń (Samat Ábish) 8 jyl shartty túrde bas bostandyǵynan aiyrylýy kúlkili. Mundai úkim, mundai sheshimdi buryn-sońdy estigen emespin. Segiz jyl! Odan da úsh jylǵa qamaýǵa alǵany jón edi, túsinesiz be? Sondyqtan bul sheshim de Eski Qazaqstannyń yqpalyn joǵaltpaǵanyn kórsetedi. Qańtar oqiǵasyna qatysty barlyq jedel istermen ainalysqan mundai adam, sheneýnik, Ulttyq qaýipsizdik komitetindegi "ekinshi adam" bar bolǵany shartty túrde jazalansa, onda Eski Qazaqstannyń yqpaly elde áli de bar», - dedi Ermurat Bapi sársenbi kúni Májilis kýlýarynda.
Depýtat bul "Dat" gazetiniń redaktsiiasyna túsken insaiderlik aqparat ekenin de atap ótti.
«Bul sońǵy otyz jyl ómirimde Qazaqstan tarihynda bolmaǵan oqiǵa. 2005-2006 jyldary 6 jyl shartty merzimge Myrzahmetovty sottaǵan. 8 jylǵa shartty merzim degen besiktegi bala kúletin jaǵdai», – dedi sodan soń májilismen.
Jýrnalister odan «Nazarbaevtyń týysy bolǵannan keiin osyndai sheshim qabyldandy dep oilaisyz ba?» dep surady.
Májilismen mundai sheshim shyqqany mindetti túrde Nazarbaevtyń nemere inisi bolǵasyn, ekinshiden biz «Eski Qazaqstannan» áli de alystap kete almaǵanymyzdyń belgisi dep sanaitynyn atap ótti.
Aita keteiik, Nazarbaevtyń nemere inisi Samat Ábish Qańtar oqiǵasynan keiin kóp uzamai Ulttyq qaýipsizdik komiteti tóraǵasynyń birinshi orynbasary qyzmetinen aiyryldy.
Qańtar oqiǵasyna deiin onyń esimi beiresmi túrde Qazaqstan prezidenti laýazymyna negizgi úmitkerler qatarynda ataldy. Qańtar oqiǵasy boiynsha Samat Ábish jai ǵana kýáger boldy.
Al búgin Bas prokýratýra Jelide taraǵan aqparattarǵa qatysty túsinik berdi.
Sotta prokýror aiypty qoldap, sottan Ábishti belgili bir laýazymdardy atqarý quqyǵynan 10 jylǵa aiyra otyryp, 8 jylǵa bas bostandyǵynan aiyrý jazasyn taǵaiyndaýdy surady. Bul rette QK-niń 63-babynyń negizinde jazany probatsiialyq baqylaý belgilei otyryp, sol merzimge shartty túrde dep sanaýdy aiqyndady.
Sottalýshy kinásin tolyq moiyndap, shyn júrekten ókingen.
Sot úkimimen Samat Ábish QR QK 362-babynyń 4-bóliginde kózdelgen qylmysty jasaǵany úshin kináli dep tanyldy jáne 10 jyl merzimge belgili bir laýazymdardy atqarý quqyǵynan aiyryla otyryp, 8 jylǵa bas bostandyǵynan aiyryldy.
QR QK 63-baby negizinde taǵaiyndalǵan jazany shartty dep sanaý týraly qaýly etildi.
Sot sottalýshynyń jas balalarynyń bolýyn jáne onyń shyn júrekten ókinýin jazany jeńildetetin mán-jailar dep tanydy. Aýyrlatatyn mán-jailar anyqtalǵan joq.
