Astanada Shýchinskidegi dámhanada bolǵan jarylystan keiin Qazaqstanda gaz ballondaryn óz ishinde óndirý máselesi kún tártibine shyqty, dep habarlaidy Dala News.
Vitse-premer Qanat Bozymbaevtyń aitýynsha, elde qoldanylyp júrgen kóptegen gaz ballondarynyń merzimi áldeqashan ótip ketken.
«Kóp jaǵdaida 30–50 jyl paidalanylǵan ballondar qoldanylyp júr. Olardyń tekserisi de 10–20 jyl buryn ótken. Bizde mundai ballondardy óndiretin kásiporyndar joq», – dedi ol.
Osyǵan bailanysty Úkimet Premer-ministrdiń tapsyrmasymen Ónerkásip jáne qurylys ministrligine «Qazaqstan injiniring» kompaniiasymen birge el ishinde suiytylǵan gaz ballondaryn óndirýdi jolǵa qoiýdy júktedi.
Sonymen qatar, Tótenshe jaǵdailar ministrligi gaz ballondaryn paidalaný qaýipsizdigin qatań baqylaýǵa alady.
Bozymbaevtyń sózinshe, Shýchinskidegi tragediiaǵa qaýipsizdik talaptarynyń saqtalmaýy jáne merzimi ótken ballondardy paidalaný sebep bolýy múmkin. Qazirgi ýaqytta qylmystyq is qozǵalyp, jaýapty tulǵalardyń áreketine quqyqtyq baǵa beriledi.
