Memlekettik keńesshi Erlan Qarin Parlament Májilisindegi alty saiasi partiianyń fraktsiia jetekshilerimen kezdesý ótkizdi, dep habarlaidy Dalanews.kz.
Is-sharaǵa Amanat partiiasy fraktsiiasynyń jetekshisi Elnur Beisenbaev, “Aýyl” halyqtyq-demokratiialyq patriottyq partiiasy fraktsiiasynyń jetekshisi Serik Egizbaev, Respublica partiiasy fraktsiiasynyń jetekshisi Aidarbek Qojanazarov, “Aq jol” Qazaqstan demokratiialyq partiiasy fraktsiiasynyń jetekshisi Azat Perýashev, Qazaqstan Halyq partiiasy fraktsiiasynyń jetekshisi Magerram Magerramov, Jalpyulttyq sotsial-demokratiialyq partiiasy fraktsiiasynyń jetekshisi Ashat Raqymjanov, sondai-aq Prezidenttiń Parlamenttegi ókildiginiń basshysy Ámirbek Ospanbekov qatysty.
“Basqosýǵa qatysýshylar Ulttyq quryltaidyń “Adal adam — Adal eńbek — Adal tabys” atty úshinshi otyrysynda Memleket basshysy bergen tapsyrmalar men bastamalardy tiimdi júzege asyrý joldary men tásilderi jóninde pikir almasty”, - delingen Aqorda jariialaǵan habarlamada.
Memlekettik keńesshi Prezidenttiń kóptegen bastamasyn naqty oryndaý úshin zańnamalyq turǵydan qoldaý kórsetý jáne oǵan depýtattardyń belsendi atsalysýy qajet ekenin atap ótti.
Eń aldymen, esirtki óndirý, lýdomaniia, vandalizm, turmystyq zorlyq-zombylyq úshin jaýapkershilikti kúsheitý, sondai-aq memlekettik nagradalar, onomastika, arheologiialyq qyzmet týraly jáne basqa da zańdarǵa túzetý engizý qajet.
Jiynda onomastika, esirtkige jáne vandalizmge qarsy kúres týraly zań jobalary Májilistiń qaraýynda, al turmystyq zorlyq-zombylyqqa qarsy kúres týraly zańdy Májilis qabyldap, qujattyń Senatqa jiberilgenine nazar aýdaryldy.
Bul rette vandalizm degenimiz eskertkishter men tabiǵi nysandardy ǵana emes, qoǵamdyq oryndaǵy múlikti de búldirý ekenine basa mán berildi.
Depýtattar vandalizm jáne basqa da turmystyq quqyq buzýshylyqtar úshin jazany qatańdatý qajettigin aitty.
Sondai-aq fraktsiia jetekshileri Prezident usynǵan jalpyulttyq qundylyqtardy dáripteýge qatysty usynystaryn ortaǵa saldy.
