Esildiń boiyna el qondyrǵan Elbasynyń eńbegi eren
Táýelsiz Qazaqstannyń tarihyndaǵy osynaý igilikterdiń barlyǵy Tuńǵysh Prezident Nursultan Ábishuly Nazarbaevtyń esimimen tyǵyz bailanysty.
Memleket basshysynyń tolassyz eńbegi men kóregen saiasatynyń arqasynda ǵasyrda jasalatyn ǵalamat jobalar táýelsizdigimizdiń 27 jylynda júzege asty. Halyq pen memleket aldynda osyndai tolaǵai tirlik atqarǵan Prezident kúnin atap ótý sizder men bizder úshin úlken qýanysh, zor mártebe dep esepteimin.
Elbasymyz ata-babalarymyzdyń táýelsizdik týraly ǵasyrlar boiǵy armandaryn aqiqatqa ainaldyrýǵa múmkindik týǵyzdy.
Sondyqtan da búgingi meiramnyń syry men sipaty, halqymyz úshin mańyzy men mazmuny erekshe.
Elbasynyń bastamasymen Esildiń boiyna el qondyryp, eńseli Ordamyzdy ornattyq. Arqa tósine ásem Astana salyp, álemge Qazaqstan degen abyroily memleket retinde tanyldyq. Astana – Elbasynyń tól túlegi, elimizdiń júregi, táýelsizdigimizdiń tiregine ainaldy.
Máselen, ótken kúnderdi bir tóbe dep qarasaq, ǵasyrlarǵa teń Táýelsizdik jyldary el mereiin tasytyp qana qoimai, halyqtyń áleýmettik ahýaly, óńirlerdegi infraqurylymdardyń qalyptasýy, zaman tabalyna sai áleýmettik nysandardyń boi kóterýi álem elderiniń memleketimizge degen senimi men qushtarlyǵyn arttyrǵany sózsiz.
Táýelsizdik jyldary orasan mol tabystarǵa qol jetkizdik. Qai salany alyp qaramańyz, meili ol bilim men ǵylym, sport, mádeniet pen óner, qurylys pen aýyl sharýashylyǵy, ónerkásip bolsyn bári-bárinde de qaryshtap damyp kelemiz.
Elbasy táýelsizdik jyldary Túrkistan qalasynyń, ondaǵy eńbeksúigish halyqtyń erteńine qajetti birneshe iri jobalardyń iske asýyna bastamashy boldy. Sonyń ishinde «Túrkistan ejelden kele jatqan biriktirýshi fýnktsiiasynan jańylǵan emes jáne túrki tildes elderdi biriktirýshi tirek bolyp tabylady», dep Elbasymyz erekshe ekpin bergen qalamyzdyń da Táýelsizdik jyldarynda ajary ashylyp, áleýetti edáýir arta tústi.
Egemendiktiń alǵashqy kúnderinen bastap, óńirimiz memleket basshysynyń únemi nazarynda boldy. Oǵan dálel memlekettik mańyzy bar uly isterdiń bastaýynda únemi Túrkistan turatyny ózderińizge belgili.
Elbasymyz erekshe tarihi tańdaýynyń nátijesinde Túrkistan qalasyn jańa oblystyń ortalyǵy etip bektildi. «Elimizdiń rýhani jáne mádeni ortalyǵy» dep, memleket basshysynyń ózi atap ótkendei, árdaiym memleket jáne oblys deńgeiinde óńirimizdiń qasietine nazar aýdarylyp, Túrkistandy túletýge degen erekshe mán berilýde. Búkil álem nazaryn Túrkistannyń keleshek jańa kelbetine aýdarýda. Onyń naqty dáleli retinde óńirimizdiń damýyna úles qosýǵa nietti investorlardyń kún sanap artyp jatqandyǵynan ańǵarý qiyn emes.
Endeshe, barshańyzdy Búkilhalyqtyq Tańdaýynyń Birligi kúni retinde engen memlekettik mereke – Tuńǵysh Prezident kúnimen taǵy da quttyqtaimyn! Otbasylaryńyzǵa amandyq, baqyt, qýanysh, eńbekterińizge tabys tileimin!
Táýelsiz Qazaqstan,Tuǵyrly Túrkistan jasasyn!
Álipbek Óserbaev, Túrkistan qalasynyń ákimi.
