Ortalyq jylý júıesine qosylmaǵan kóp qabatty úılerdiń máselesin keshendi túrde sheshý úshin oblysta arnaıy baǵdarlama ázirlengen bolatyn. Sonyń sheńberinde Eńbekshiqazaq aýdanynda da bul is qolǵa alyndy.
Aýdan ákimdiginiń málimetine qaraǵanda blokty-modýldi qazandyqtar ornatý arqyly 9 myńǵa jýyq adam turatyn 80 kóp páterli úı ortalyq jylý júıesimen qamtylmaq. Sol sıaqty qazandyqtyń kómegimen turǵyndar jyl boıy ystyq sýdy da úzdiksiz paıdalana alady.
Aýdan ákimi Álibek Jaqanbaev «Jetysu Energy» merdiger uıymymen kezdesip, qurylys jumystary týraly egjeı-tegjeıli talqylady. Kezdesýde qazandyq ornatý jumystary bıylǵy jyldyń shilde aıynda bastalyp, jylytý maýsymy bastalǵanǵa deıin aıaqtalatyny aıtyldy. Qurylys kezinde 21 nysanda 400-den astam adam jumys isteıdi dep mejelengen.
Ár qazandyqtyń qýattylyǵy 200-den 1200 kVt deıin bolmaq. Bul óz kezeginde komýnaldyq qyzmet shyǵyndaryn edáýir tómendetip, jylý berýdi senimdi jáne sapaly atqarýǵa múmkindik beredi deıdi mamandar.
Atap ótsek, jalpy Almaty oblysynda 2022 jyldyń sońyna deıin 275 kóp páterli turǵyn úı úshin 54 BMQ ornatylyp, bul úıler gazben jylytýǵa kóshiriledi dep josparlanǵan.
