«Eshkim Qairattai bola almaidy». G.Aidarbekova balasyn basqa ánshilermen salystyrǵandy unatpaidy.
«Qairat birinshi shyqqan kezde ony Meirambekpen qatty salystyrdy. «Sen Meirambek bola almaisyń» dep Tolqyn Zabirovalar qalai kóńilimizdi túsirip tastady. Odan keiin Bibigúl apamyz Qairatty tanymasa da, tyńdamasa da, shákirti Tolqyn Zabirovanyń sózine erip (bárimiz de kómekshimizdi tyńdaimyz ǵoi), «tyńdamaimyn» degen siiaqty aityp qaldy. Biraq Bibigúl apamyzdy bárimiz jaqsy kóremiz. Qatelesken jeri shyǵar dep Qairat áli kúnge deiin jaqsy kóredi.
Ózderin joǵary ustap, Qairatqa qansha sóz aitqan ánshiler boldy. Biraq ol bizge jaqsy. Sen sol synǵa qarap, namystanyp, alǵa kóterilesiń.
Odan keiin Ernar Aidar shyqqan kezde, «oibai, Qairat, senen ozyp bara jatyr» dep shyqty. Odan keiin Tóreǵali shyǵa bastady. Jýrnalister, tipti, ekeýiniń sýretin qatar qoiyp, «qaisysy myqty, qaisysynyń kiimi myqty, daýsy kúshti» dep salystyra bastady. Tóreǵaliden keiin, qazir Dimash shyǵyp jatyr. Dimashpen salystyryp qoiyp qoiady», – dep aǵynan jaryldy Gúlzira Aidarbekova.
Odan keiin tanymal prodiýser Dimashty da, onyń ata-anasyn da qatty syilaitynyn tilge tiek etti. Ol Dimashty «fenomen» ulynan artyq kóretinderge jaýap berdi.
«Dimash jas ánshi, ol álemdi moiyndatyp jatyr. Bárimizdiń qýanyshymyz, kózaiymymyz. Men onyń ata-anasyn da jaqsy syilaimyn. Qairat endi kontsert bere bastap, Aqtóbege barǵanynda birden kómek bere qoiǵan Dimashtyń papasy. Sodan keiin men ol kisini jaqsy kóremin. Onyń balasyna da óz balama tileitindi tileimin. Biraq ekeýin salystyrýǵa múldem kelmeidi.
Óitkeni Dimash – konkýrstyń ánshisi, onyń daýsy sumdyq keremet. Al Qairat konkýrstyń ánshisi bola almaidy. Ol shyńǵyryp, neshe túrlini jasamaǵan. Qairat Dimash bola almaidy, al Dimash Qairat bola almaidy», – degen Gúlzira Úsenqyzy Qairattyń ataq-abyroiynyń tómendep qalmaitynyna senimdi ekenin málimdedi.
