Jýrnalist bala asyrap alý isinde kóp shikilik, zańsyzdyq bolǵanyn jetkizdi.
"Bul salada (bala asyrap alý - esk.) jemqorlyq bolǵanyn eshkim joqqa shyǵarmaidy. ...Bir amerikalyq ata-ananyń óz aýzynan bizdiń jaq aqsha talap etkenin estidim. Qujattar boiynsha barlyǵy durys, eshqandai shikilik tappaidy. Tipti sol kezdegi Bilim jáne ǵylym ministrliginiń ózderi, Bala quqyǵyn qorǵaý komiteti bolsyn, "ol jaqqa tek aýrý balalar ketedi" dep aitty ǵoi. Biraq aýrý balalar ketip jatqan joq. Nelikten? Óitkeni olardyń meditsinalyq paraqshasyna túrli-túrli aýrýdy jazyp qoiady. ...Arasynda múgedek balalar bar. Mysaly, 2009 jyly Belgiiada túsirip keldim. Talǵat degen bala boldy. Sol balanyń qoly shyntaǵynan joq boldy. AQSh-ta bir qyz bala boldy, eki aiaǵy joq. Biraq barlyǵy birdei aýrý emes. Esepsiz ketken bala óte kóp. Halyqty tynyshtandyryp qoiý úshin "shetelge aýrý balalardy beremiz" degen aqparat boldy. Baǵdarlamadan eldiń bári onyń barlyǵy aýrý emes ekenin kórip jatyr", - deidi ol suhbatta.
Sonymen qatar, baǵdarlama júrgizýshisi "balalar 4-5 myń dollarǵa satylǵany" jóninde aqparat baryn aitty. Al Janar Baisemizova 90-shy jyldardyń aiaǵynda bul soma 50 myń dollar kóleminde bolǵanyn naqtylady.
"4-5 myń dollar degen aqsha emes qoi. Sol kezdegimen 50 myń dollar. 90-shy jyldardyń aiaǵy, 2000-ynshy jyldary. On shaqty otbasy kelip, árqaisy 50 myń dollar berip, balalardy alyp ketken. ...Mende jazylǵan (zańsyz ketken balalar týraly derekter - esk.), biraq efirge bergen joqpyn. Zańsyzdyq óte kóp bolǵan. ...Aqylyńa syimaityn dúnieler bolǵan. Shynyn aitqan kezde óziń shoshyp ketesiń. Sheteldikter negizi zańdy saqtaidy, bizdiń adamdarǵa aqsha kerek boldy", - deidi Janar Baisemizova.
