Erteńnen bastap jańa ózgeris engiziledi, osyǵan orai IIM júrgizýshilerge úndeý jasady, – dep habarlaidy Dalanews.kz.
5 sáýirden bastap tirkelmegen mopedti basqarýǵa tyiym salynady.
"Quqyqbuzýshylyqtardyń aldyn alý úshin elimizdiń joldarynda politseiler azamattarǵa jańa talaptar men erejelerdi belsendi túrde túsindirip jatyr. Tártip saqshylary moped ielerine arnaiy HQKO-ǵa baryp, kólik quraldaryn tirkeý jáne tiisti qujattardy alý qajettigin eske salady", - dep jazylǵan habarlamada.
Búginde respýblika boiynsha 23 myńnan asa moped tirkelgen. Zańǵa sáikes olardy tek A1, A nemese V sanatyndaǵy júrgizýshi kýáligi bolǵan jaǵdaida ǵana basqarýǵa bolady.
"Bul talap joldardaǵy qaýipsizdikti arttyrýǵa jáne jol apattarynyń sanyn azaitýǵa kómektesedi", - dep jazylǵan habarlamada.
Aita keteiik, mundai quqyqbuzýshylyq anyqtalǵan jaǵdaida Ákimshilik kodekstiń 590-babynyń 2-bóligine sáikes jaýapkershilik kózdeledi.
Ony tirkeý úshin turǵylyqty jeri boiynsha arnaiy halyqqa qyzmet kórsetý ortalyǵyna júginý qajet. Myna qujattardy ala barý kerek: jeke basty kýálandyratyn qujat, elektron túri de jaraidy, tehnikalyq qujat nemese mopedtiń tehnikalyq sipattamalary týraly málimetter.
