– 2019 jyldan beri jalǵasqan tranzıttiń ózine de kúmán kóp boldy. Memleket elıtasy da, kópshiliktiń de yǵyryn shyǵardy. «Bul ne ózi? Elde qojaıyn kim?» degen saýaldar týdy. Darıǵa Nazarbaeva Senattyń tóraıymy bolyp, Prezıdentpen ıyq tiresip turdy. Munyń bári jınaqtala kele, sońy osyǵan jetti...
2007 jyly mamyr aıynan beri, Rahat Álıev shetelge qashqan soń, Nazarbaev bir adamǵa senýden qaldy.
Ekinshiden, Prezıdent keńsesi de, Kitaphana da Nazarbaevty kez kelgen jaǵymsyz aqparattan «qorǵap» keldi. Onyń ózi de eshqandaı ınternetti, áleýmettik jelilerdi qoldanbady. Oǵan jaǵymdy daıdjestterdi kórsetti. «Bári keremet, halyq tolyq qoldap otyr» degendeı.
Jasyrmaı-aq qoıaıyn, men óz materıaldarymdy Elbasynyń kómekshilerine jiberip otyrdym. Olar maǵan ne dedi deısiń be? «Mynaýyń tym kóp. Bir-eki mınýtqa qysqartyp, jaǵymdy nárselerdi kórsetý kerek» dep qolqa saldy. Ol aqparattyq vakýmda otyrdy.
