Parijde kórnekti opera ánshisi, KSRO halyq ártisi Ermek Serkebaevtyń 100 jyldyǵyna arnalǵan is-sharalar aiasynda Qazaqstan Respýblikasynyń Mádeniet jáne aqparat ministri Arman Qyryqbaev IýNESKO-nyń bas direktory Haled ál-Ananimen kezdesti, dep habarlaidy dalanews.kz.
Qazaqstannyń bastamasymen óner iesiniń 100 jyldyǵy 2026 jyly IýNESKO aiasynda atap ótiletin mereitoilar qataryna engizilgen.
Arman Qyryqbaev osy bastamany qoldaǵany úshin IýNESKO basshylyǵy men Hatshylyǵyna alǵys bildirip, uiymnyń Qazaqstannyń mádeni murasyn saqtaý jáne keńinen tanytý isine qosqan eleýli úlesin atap ótti.
Kezdesý barysynda taraptar yntymaqtastyqty odan ári damytýdyń basym baǵyttaryn, sonyń ishinde IýNESKO-nyń Búkilálemdik mura tizimine engizýge usynylatyn jańa nominatsiialardy ázirleý máselesin talqylady.
Qazaqstan Respýblikasynyń Prezidenti Qasym-Jomart Toqaevtyń bastamasymen elimiz IýNESKO-nyń Búkilálemdik mura ortalyǵyna «Jetisýdyń kieli aǵash sáýlet óneri: mádenietaralyq dialog pen ornyqtylyq murasy» atty seriialyq nominatsiiany aldyn ala baǵalaý jóninde suraý joldady. Nominatsiiaǵa Jarkent meshiti men Voznesensk kafedraldy sobory kirdi.
Haled ál-Anani Qazaqstan men IýNESKO arasyndaǵy yntymaqtastyqty keńeitýge múmkindik mol ekenin aitty. Taraptar IýNESKO-nyń Almatydaǵy óńirlik keńsesiniń qyzmetine jáne onyń Ortalyq Aziiadaǵy yntymaqtastyqty damytýdaǵy róline de erekshe nazar aýdardy.
Ekijaqty kezdesý aiaqtalǵannan keiin IýNESKO-nyń shtab-páterinde Ermek Serkebaevtyń 100 jyldyǵyna arnalǵan «Dáýir daýysy» gala-kontserti ótti. Keshke IýNESKO-nyń Búkilálemdik mura ortalyǵynyń direktory Lazar Elýndý Assomo, diplomatiialyq korpýs ókilderi, ánshiniń týǵan-týystary men jaqyndary qatysty.
Saltanatty keshtiń ashylýynda Arman Qyryqbaev kórnekti ánshiniń shyǵarmashylyq murasy airyqsha mánge ie ekenin atap ótti.
«Memleket basshysy Qasym-Jomart Kemeluly Toqaev Qazaqstannyń IýNESKO-men yqpaldastyǵyn odan ári nyǵaitýǵa jáne ulttyq mádeni muramyzdy halyqaralyq deńgeide keńinen tanytýǵa airyqsha mán beredi. Uly ánshiniń mereitoiyn IýNESKO tórinde atap ótý biz úshin úlken mártebe. Ermek Serkebaev álemniń elýge jýyq elinde óner kórsetti. Onyń daýysy Frantsiia sahnalarynda da estildi. Sondyqtan búgingi keshti uly ánshi men Parij kórermeni arasyndaǵy shyǵarmashylyq úndestiktiń jalǵasy dep bilemin», – dedi ministr.
«Dáýir daýysy» kontsertine Abai atyndaǵy Qazaq ulttyq opera jáne balet teatrynyń solisteri, hory men simfoniialyq orkestri qatysty. Qazaq jáne álemdik opera klassikasynyń tańdaýly týyndylary, sonyń ishinde Ermek Serkebaevtyń repertýaryndaǵy shyǵarmalar oryndaldy. Keshte Ermek Serkebaevtyń týǵan inisi Murat Serkebaevtyń qyzy, belgili skripkashy Jámila Serkebaeva da óner kórsetti.
Ánshiniń 100 jyldyǵyna arnalǵan kontsert buǵan deiin Astanada da ótti. Mereitoilyq keshke qatysýshylarǵa Qazaqstan Respýblikasynyń Prezidenti Qasym-Jomart Toqaev quttyqtaý joldady. Memleket basshysy Ermek Serkebaevty ulttyq ónerdiń damýyna ólsheýsiz úles qosqan qaitalanbas daryn iesi dep baǵalady.
