Ulttyq qaýipsizdik komitetiniń tóraǵasy Ermek Saǵymbaev elge tóngen jańa qaýipter týraly aitty. Onyń sózinshe, Qazaqstan terrorizm, dini ekstremizm, transulttyq qylmystyq toptar, esirtki saýdasy, kibershabýyldar jáne jasandy intellektini qylmystyq maqsatta paidalaný siiaqty kópqyrly jáne ózara bailanysty qaterlerge tap bolyp otyr, dep habarlaidy Dalanews.kz.
Bul týraly ol ulttyq qaýipsizdik organdary kúnine orai Inform.kz agenttigine bergen ekskliýziv suhbatynda málimdedi.
Saǵymbaevtyń aitýynsha, halyqaralyq terroristik jáne dini-ekstremistik uiymdar internet arqyly azamattardy radikaldy ideialarǵa tartýǵa tyrysyp jatyr. Biyl Aqtóbe, Atyraý men Shymkent qalalarynda terrorizmge shaqyrý faktileri tirkelip, bul qylmystar úshin kináli azamattar sottaldy.
“Jyl basynan beri 59 adam ustalyp, 60 astamy sottaldy. Sonymen qatar sheteldik 3,5 myńǵa jýyq azamattyń elge kirýine tyiym salyndy”, — dedi ol.
UQK 246 halyqaralyq terroristi anyqtasa, ekstremistik kózqarastaǵy 800-ge jýyq migrantty tirkegen.
Komitet tóraǵasy terrorizmge qarsy kúreste birqatar memlekettik organdardyń birlese jumys istep jatqanyn atap ótti. Biyl internetten 9 myńnan astam ekstremistik materialdar joiylǵan. Sondai-aq elimizde 400-den astam arnaiy jattyǵý ótkizilip, 95 myńnan astam maman daiarlyqtan ótken. Qostanai oblysynda “Naiza–Antiterror–2025” respýblikalyq jattyǵýy uiymdastyrylyp, shartty túrde gibridti shabýyldarǵa qarsy áreketter pysyqtalǵan.
Ermek Saǵymbaev kibershabýyldar men jasandy intellektiniń jańa qaýipke ainalyp otyrǵanyn da erekshe atap ótti. Onyń aitýynsha, bul tehnologiialardy qylmystyq jáne terroristik toptar belsendi túrde qoldanyp jatyr.
“Kiberqaýip, kibershabýyldar, jasandy intellektti qoldaný búginde ózekti baǵyt. Bul – bizdiń qarsylasymyzdyń jańa qarýy”, — dedi ol.
Onyń sózinshe, biyl bastap 400–den astam antiterrorlyq jattyǵý ótkizgen.
“Olar kritikalyq infraqurylym qyzmetkerlerine arnalǵan. Shamamen 95 myń adam bilim aldy. Kóktemde Qostanai oblysynda “Naiza–Antiterror–2025” respýblikalyq taktikalyq jattyǵýy ótti. “Gibridti” terroristik shabýyldarǵa qarsy áreketter pysyqtaldy ”, — dep qosty ol.
